Lucas 22:33 - Cofán: Chiga Tevaen'jen

³³ Tsama pañamba Pedro tisema su: —Na'su, quema picco'je'ttinga picco'fa'ninda gi ña'qque quei'ccu fae'ngae piccoyeya. Quema fi'tti'fa'ninda gi ña'qque quei'ccu fae'ngae paya.

Lucas 22:33 ပူးပေါင်းရင်းမြစ်များ

Mateo 20:22

Qquen iñajansi Jesús tsendeccuma su: —Que'i tsa'caen iñajamba atesu'fambi qui jongoesuve tisu iñajan'choma. ¿Osha'fa ti qui ña cui'ccuma cu'iqquia'caen vana'faye? ¿Osha'fa ti qui ña fetiye'chonga fetiyeqquia'caen vana'faye? Tise'paja su'fa: —Ju, osha'fa gi.

Marcos 14:29

Qquen susi Pedroja su: —Mapán cca'i dyopa quema cati'fa'ni'qque ñajan me'i.

Marcos 14:31

Tsa'ma Pedroja ti'tsse su: —Nane quei'ccu fae'ngae paya'ngae ñajan quene a'tieña'bi. Tsonsi poiyi'cco tsa'caen su'fa.

Lucas 22:34

Jesúsja su: —Pedro, ñoa'me gi quenga su: Arapa gayo toya ja'ño a'ta se'yombi'te queja ñane tres se a'tieña “Tisema atesumbi gi” qquen supa.

Lucas 22:57

Tsa'ma Pedroja qquen supa a'tien: —Pushesu, ni ñajan tisema atesumbi.

Juan 13:38

Tsa'ma Jesúsja tisenga su: —¿Ñoa'me ti qui ñai'ccu fae'ngae paye dyojombi? Ñoa'me gi su, arapa gayo toya se'yombi'te tres se qui ñama atesumbi qquen a'tieña.

Tson'fa'cho 21:13

Tsa'ma Pabloja su: —¿Jongoese qui que'ija i'namba ñama ñombi'yan'fa? Na'su Jesús in'jan'ninda gi tisene Jerusaléni tandañeña'cho. Toya'caen fi'tti'fa'ni'qque tisene gi paya'cho.