Lucas 21:6 - Cofán: Chiga Tevaen'jen

⁶ —Que'ija osha'cho va ñotssiama atte'fa. Tsa'ma jai'ngae ni fae patu faesu patumbe ombani ottaya'bi. Pa'cco tsu osui catiyeya'cho.

Lucas 21:6 ပူးပေါင်းရင်းမြစ်များ

Jeremías 26:18

“Judá na'su Ezequías mandaite Na'su Chigaja Moreset canqque'su Miqueasma afafaensi tsu Judá aindeccunga qquen su: ‘Na'su Osha'choma Oshacho'choja qquen su: Zión canqquema nasipama'caen dyan'dyaya. Jerusalén'qque tsu catifo'cho boñame daya. Toya'caen Chiga etti'su ccotta'cco tsu ega shoshoviccuve daya.’

Jeremías 26:9

¿Jongoesie qui ‘Na'su Chiga Silo'su Chigama cachuicco'je'ttima nepianqquia'caen va Chiga ettima'qque nepiaña’ qquen inginga afopoen? Toya'caen ¿‘va canqquema nepiansi ni fae a'iyi'qque tseni canseya'bi’ qquenjan afopoen?” Tsa'caen supa poiyi'cco a'i Chiga ettinga Jeremíasma ttu ccutsu'fa.

Mateo 24:2

Condasesi Jesús tise'pama pañamba su: —¿Va tsa'oma ti qui atte'fa? Ñoa'me gi su: Ni fae patuyi'qque faesu patumbe ombani ottaya'bi tsu. Pa'ccoma tsu asitta'faya'cho.

Marcos 13:2

Tsa'ma Jesús pañamba su: —¿Ñotssiave ti qui atte va rande ettima? Ñoa'me gi su, ni fae patuyi'qque faesu patumbe ombani ottaya'bi. Pa'ccoma tsu asi'tta'faya'cho.

Lucas 21:7

Tsonsi tisema iñajampaña'fa: —Atesian'su, ¿minga'ni tsu tsa'caen daya? ¿Jongoesu canjaen'choma attepa gi tsa'caen daya'chove atesu'faya?