Lucas 12:45 - Cofán: Chiga Tevaen'jen

⁴⁵ Tsa'ma majan sema'su: “Ña na'suja uta jiya'bi” qquen in'jamba tsa sema'su faesu semasundeccuma tssaiye ashaemba majan tsandie, majan pushesuma'qque tsse'tsse tsincomba toya'caen an'jemba tse'tse'pama cu'ipa ccusi'ninda

Lucas 12:45 ပူးပေါင်းရင်းမြစ်များ

Mateo 22:6

Cca'indeccuja na'sumbe semasundeccuma indipa egae tsomba fi'tti'fa.

Lucas 12:44

Ñoa'me gi su, na'su jipa pa'cco tise an'bian'choma tsu tsa sema'sunga afeya cuintsu coiraye.

Lucas 12:46

tsa sema'su in'jambi'te tsu na'suja jiya. Na'su jipa tsu tsa sema'suma ma'ppipa in'jambindeccui'ccu fae'ngae tisema catiya.

Lucas 21:34

Majan a'ija ñoquimbipa injanga canse'fa. Majan a'ija ccusi'fa. Majan a'ija tise'pa an'bian'choma panshaen in'jan'fa. Tsa'ma injama'tse. Tsa'caen ñoquimbi'fajama. Ña su'choma'qque aqque'pa'fajama pan ña jisi atte jangipa dyosa'ne.

Juan 2:10

tisenga su: —Poiyi'cco a'i tsu o'tie ñotssia vinoma cui'ñañe atesu'fa. Tsonsi cu'isundeccu tsain'bitsse cu'i'fasi bove ansimbi'choama tsu cui'ñaña'cho. Tsa'ma queja bove ñotssiama an'biamba ja'ño somboemba cui'ña.

Tson'fa'cho 2:18

Moeña gi Ña Qquendya'pama Ñama shondosundeccunga –tsandienga, pushesunga. Tsonsi tsu tsendeccuja Ñane afa'faya.

Romanos 16:18

Nane tsendeccuja Na'su Jesucristo sema'bama tson'fambi. Tsa'ma tisupa in'jan'choma tsomba majan injama'cho shacandeccuma afopoen'fa. Ñoa'me ñotsse afaqquia'caen tsu aqquia injanga afopoen'fa.

2 Corinto'su 11:20

Nane faesundeccu que'ima manda'fa. Que'i an'bian'choma itsapa'fa. Que'ima injanga patsu'fa. Tise'paja bove ñotssi qquen canjaemba que'i tsovema tssai'fa. Tsa'caen tsincon'fa'ni'qque toya qui tise'pama in'jan'fa.

1 Tesalónica'su 5:7

Anasundeccuja cose ana'fa. Ccusisundeccu'qque cose ccusi'fa.

2 Pedro 2:13

Faesuma vanaeqquia'caen tsu tise'pa'qque vana'faya'cho. Tise'paja junde avujatssiye in'jamba enttinge a'ta pa'o caña'jen'ni egae tsincon'fa. Nane tsendeccuja que'i'ccu an'jemba tsu que'ima afopoemba avujatsse in'jangae tsincon'fa.

2 Pedro 2:19

“Na'suve mecho qui can'jen'faya” qquen atesia'an'qque tise'paja toya na'suve an'bian'fa. Nane tise'pa in'jangae tsincon'cho tsu tise'pa na'su. A'ima osha'cho jongoesu patsu'ta tise na'suve tsu da.

Canjaen'cho 16:6

Tsa'ma va andesundeccuja Que aindeccuma, Quema afasundeccuma'qque fi'tti'fa. Nane tise'pa anjampama tssañamba fi'tti'fa. Tsa'cansi Queja ccane'qque tise'panga anjampama cui'ña. Tise'pa tsa'caen tson'chone tsa'caen vanañe ñotssi tsu.

Canjaen'cho 18:24

Nane tsa Babilonia canqqueni tsu Chiga Aya'fama afasundeccuma fi'tti'fa. Chiga aindeccuma'qque fi'ttisi tseni pa'fa. Nane Babiloniaja poi andeni'su aindeccuma fitti'tti'su tsu.