Lucas 12:28 - Cofán: Chiga Tevaen'jen

²⁸ Shoshovija ja'ño injanga sho'yopa cansesi tu'i a'ija tsama taipa panme matssañe oque'faya. Tsa'ma Chiga Quitsaja tsa'caen te'tai'ccu shoshovima ñotsse ondiqquiamba ti'tsse tsu que'imajan ondiqquiamba coira'je. ¿Micomba qui in'jambe canse'fa?

Lucas 12:28 ပူးပေါင်းရင်းမြစ်များ

Isaías 40:6

Aya'faja “¡Fundoja!” qquen susi gi ñajan iñajampaña: “¿Jongoesu qquen gi fundoya?” “Poiyi'cco a'i tsu shoshoviacan'fa. Nane te'ta'caen ta'etssimbi tsu.

Mateo 14:31

Tse'faei'ccuyi Jesús catsepa tise tivema yasapa Pedroma indi. Indipa tisema su: —Aqquia re'riccoe qui ñame in'jan. ¿Micomba tsu que injama'choja shaca?

Mateo 16:8

Tsa'ma Jesús tise'pa asi'ttaen'choma in'jamba su: —¿Toya ti qui ñame ñotsse in'jambipa shaca'fa? ¿Jongoesie qui panma i'fambi'choane afacco'fa?

Mateo 17:17

Qquen iñajansi Jesúsja su: —Que'i ja'ño'su aindeccuja tansintsse Chigave in'jambipa ccaningae qui in'jan'fa. ¿Min'ge'e gi tsuin'da quei'ccu can'jemba angacaña? I'ngaja du'shuma.

Mateo 17:20

Jesúsja su: —Que'ija toya ñame ñoa'me in'jan'fambi. Nane ñame aqquia re'riccoe in'jan'da ñoa'me osha'choma qui osha'faya. Mostasa cho ñoa'me'qque chipiri tsu. Que in'jan'choja tsa'caen chipirisi va rande ccotta'ccoma “Joqquitssipa cca'ttinga japa ccutsuja” qquen mandasi tsa'caen tsu jaya. Que'i tsa'caen ñame in'jamba nane osha'choma qui osha'faya.

Mateo 6:30

Shoshovija ja'ño injanga sho'yopa cansesi tu'i a'ija tsama taipa panma matssañe tsu oque'faya. Tsa'ma Chiga Quitsaja tsa'caen te'tai'ccu shoshovima ñotsse ondiqquian'da ti'tsse tsu que'ima ondiqquiamba coira'je. ¿Micomba qui Chigave in'jambe canse'fa?

Mateo 8:26

Tsonsi Jesús su: —¿Jongoesie qui ñame in'jambipa dyo'fa? Qquen supa jangi ccutsupa fingiama iyu'usi vuiqui. Shave'pama'qque iyu'usi ñoa'me ppimppianccuve da.

Lucas 8:25

Tsomba Jesúsja su: —¿Mingapa qui ñame in'jan'fambi? Tise'paja dyopa Jesúsma can'boemba qquen condasecco'fa: —¿Majan tsu va a'ija? Tise mandasi fingian, shave'pa'qque tisema paña'fa.

Hebreo'su 6:7

Nane tsa'candeqquiaja a'i nasipoen'cho andecan'fa tsu. Unjin tsa andenga tui'ñaccasi sho'yopa ñotsse na'ninda tsu na'suja pi'shopa aña. Nane Chiga mende'yepa afesi tsu ñotsse naña.

1 Pedro 1:24

Nane Chiga Tevaen'jenjan su: Poiyi'cco a'i tsu shoshoviacan'fa. Osha'cho tise'pa joccapitssia've jincho'choja shoshovi te'ta'can'fa tsu. Shoshovija sambasi, te'taja amppi.