Lucas 11:31 - Cofán: Chiga Tevaen'jen

^31-32 Osefaeña'cho a'ta napisi ja'ño'su aindeccuja Nínivesundeccuma bove egae tsu canjaen'faya. Tsendeccuja Jonásma pañamba tisupa egae tsincon'choma chi'ga'fa. Jonásma ti'tsse'tssia gi ja'ño can'jen'ma qui que'i egae tsincon'choma chi'ga'fambi. Toya'caen tayopi'su Sabá ande na'su pushesuja biane ji Salomón ñotsse in'jamba su'choma pañañe. Osefaeña'cho a'ta napisi tise'qque ja'ño'su aindeccu bove ega qquen canjaeña. Salomónma ti'tsse'tssia gi ja'ño can'jen'ma que'ija ñama paña'fambi.

Lucas 11:31 ပူးပေါင်းရင်းမြစ်များ

Mateo 12:42

Toya'caen tayopi'su Sabá ande'su na'su pushesuja biane ji israe'su na'su Salomón ñotsse in'jamba su'choma pañañe. Osefaeña'cho a'ta napisi tsu tise'qque ja'ño'su aindeccu shacama canjaeña. Va'tti gi Salomóma ti'tsse'tssia can'jen'ma qui ñama paña'fambi.

Lucas 3:22

Fettasi Chiga Qquendya'pa ppuppuju'choa'caen attiamba Jesúsnga ande. Tsonsi sefaccone afa'choma paña'fa qquen su'choma: —Que qui ña in'jan'cho Dutssi'ye. Ñoa'me gi quema ñotsse in'jan.

Lucas 9:35

Ccuttopa'si'ye aya'faja qquen afa: —Vaja ña in'jan'cho Dutssi'ye tsu. Tisema paña'faja.

Romanos 2:27

Que'ija Moisés manda'cho tevaen'jema qui an'bian'fa. Ttonoma tevaemba que'ija Chiga a'i qquen qui canjaen'fa. Tsa'ma manda'choma pañambiqquia'caen qui egae tsincon'fa. Tsa'cansi majan tevaembi'choa manda'cho mandaqquia'caen tson'da que'i shacama tsu ti'tsse canjaen'fa.

Hebreo'su 11:7

Tayopi'su Noé pañasi Chigaja, na'en jipa andema picco catiya'chone, tisenga condase. Noéjan Chigave in'jamba “Chiga su'choja ñoa'me su'cho” qquen atesupa Chiga mandaqquia'caen rande tsa'o shavove shavoña. Tsanga otsepa tise, toya'caen tise antiandeccu'qque pambe'yi ccusha'fa. Cca'indeccuja in'jambipa pa'fa. Tsa'caen tsu Noéjan Chigave in'jamba ccushapa cca'indeccu in'jambipa pa'fa'chone ti'tsse canjaen. Chigave in'jansi tisene tsu Chigaja su: “Noéjan Ñame in'jamba tsu ño'a.”