Levítico 6:2 - Cofán: Chiga Tevaen'jen

^2-5 “Majan tise faenga'suma afopoemba dañomba Na'su Chiganga egae tsincon'da tsu tisu egae tsincon'choma tansiaña'cho. Nane majan tise faenga'sunga egama chavaen'da, afe'choma ñotsse coirambipa qqueña'da, aqquia a'tutsse cca'na'da, iyicca'yepa itsa'ta, qque'choma atte'ma a'tien'da, tansintsse su'cho qquen afopoen'da tsu tisu tsa'caen egae tsincon'choma tansiaña'cho. Tisu tsa'caen egae tsincon'chone tsu shacapa. Tsa'camba tsu Chiganga oque oraemba afe'choma afeya'cho. Toya'caen tsequi a'ta tsu tisu cca'na'choma ccanange'sunga pa'ccoma afepa toya'caen tsa cca'na'cho bare'choma pan'shantsse faesu cincoyi'cho'ccoe afeya'cho.

Levítico 6:2 ပူးပေါင်းရင်းမြစ်များ

Génesis 26:7

Tsa'caen can'jensi tseni can'jensundeccu Rebecane iñajampaña'fasi Isaacja “Ña pushe” qquen suye dyojopa “Ña que'tte” qquen su. Nane Rebecaja me'detssisi tsu tsa'caen su tseni'su tsandiendeccu tisema fi'ttipa Rebecama itsa'fasa'ne.

Salmos 51:4

Quema gi da'ño, tansien quene gi shacapa. Tansien que su'choyi tsu ñoa'me su'cho. Que ñama injama'choma somboeñe su'chota tsu ñoa'me ñotsse su'cho.

Levítico 19:11

“Cca'najama. Afopoenjama ni tisupaporama afopoemba dañojama.

Levítico 6:1

Na'su Chiga Moisésnga qquen su:

Juan 8:44

Cocoya na'su tsu que'i yayaja. Que'ija tise'be qui. Tsa'camba qui tise in'jan'choma tsoñe in'jan'fa. Tseyi andema agattointe ja'ño pan cocoya na'suja a'ima fi'ttiye can'jen. Minga'ni'qque tiseja tansintsse su'choma afambi. Nane tiseja tansintsse afaye jinchombi. Aqquia afopoemba tisu in'jan'choma tsu afa. Tiseja afopa'chopa ñoa'me afopoen'su na'su tsu.

Tson'fa'cho 5:4

Toya chavaembi'teja quembe tsu andeja. Toya'caen chavaen'nijan quembe tsu corifin'di. ¿Jongoesu qquen in'jamba qui qquenjan tson? Pa'ccoma afeqquia'cantsse qui enttingeccoeyi afe. A'ingaja afopoembipa qui ñoa'me Chiganga afopoen.

Efeso'su 4:25

Tsa'camba afopoembe'yi tisupaporai'ccu tansintsse condasecco'faja. Nane poiyi'cco gi Cristoi'ccu fae'ngae jinchopa fae a'iyi'fa.

Colosa'su 3:9

Afopoencco'fajama tisupapora. Tsaja tayo pasa. Tayoe tsa'caen egae tsincomba qui canse'fa. Tsa'ma ja'ñojan tayo'su in'jan'choma catipa qui tsa'caen tsincon'fambi.

Canjaen'cho 22:15

Tsa'ma canqque tsotefani tsu egae tsinconsundeccuja can'jen'faya. Majan a'i ain in'janqquia'caen in'jamba egae tsinconsundeccu tsu tsotefani can'jen'faya. Coragandeccu, poi tsandie, pushesu injanga fae'ngae egae can'jensundeccu, cca'ima fi'ttisundeccu, afopa'cho chiga'ca'me in'jansundeccu, nane poiyi'cco majan afopoeñe in'jamba tsa'caen afopoemba cansesundeccu tsu canqque tsotefani can'jen'faya.