Levítico 19:31 - Cofán: Chiga Tevaen'jen

³¹ “Coragama iñajanjama pa'choi'ccu afaye ni cocoya condasi atesu'je'chove tta'tta'fajama atesuya'chove. Nane tsa'caen tson'da qui tisuma dañoña. Ña gi Na'su que'i Chiga.”

Levítico 19:31 ပူးပေါင်းရင်းမြစ်များ

2 Reyes 17:17

Tise'pa dushundeccuma'qque chigandeccunga afeye oque fi'tti'fa. Davuma atesu'fa. Toya'caen tise'pa coragandeccuja seje'ccoi'ccu fi'tti'fa. Nane ma'caen osha'ta Na'su Chiga in'jambi'chove tsomba tsai'ccu Na'suma iyicca'yeañe in'jamba tta'tta'fa.

2 Reyes 23:24

Toya'caen poiyi'cco coragandeccu, poi aiyai'ccu condasesundeccuma'qque joqquitssipa, poi aindeccu tsaoni jincho chipiri chigandeccuma somboemba sefaen. Nane osha'cho Judá toya'caen Jerusaléni'su egae jincho'choma'qque tsangae nepian. Tsa'caen tsu tson Chigama afa'su Hilcías Na'su Chiga ettinga atte'cho tevaen'jen manda'chove nanitsse tsoñe.

Tson'fa'cho 8:11

Tsa'caen in'jamba tsain'bitssi canqque'fave tise su'choma paña'fa. Nane Simónjan mágicopa tsa'caen canjaensi Samariasundeccuja tsama can'boemba tisema ñotsse paña'fa.

Galacia'su 5:20

agattoen'su Chigama in'jambipa faesu chiga'ca'me ñoñamba in'jan'fa; faenga'suma dañoñe coragave da'fa; chi'ga'fa; iyicco'fa; injama'choni faesuma se'pi'fa; iyicca'yeyeyi jincho'fa; faesuma patsuye in'jan'fa; tisupanaccuyi in'jamba faesundeccumajan chi'ga'fa; ccaningae atesian'choma pañamba in'jan'fa;

Canjaen'cho 21:8

Tsa'ma poi dyopa ñama atiensundeccu, poi ñame in'jambindeccu, egave ttattapa tsave in'jan'chondeccu, cca'ima fi'ttisundeccu, poi tsandie, pushesu injanga fae'ngae egae can'jensundeccu, poi coragandeccu, poi ñoña'cho chiga'ca'me in'jan'chondeccu, poi afopoensundeccu'qque tsu asufre si'nge singu'ccunga japa tsangae pa'faya'cho.