Levítico 16:34 - Cofán: Chiga Tevaen'jen

³⁴ Tsangae tsa'caen manda'chosi qui anttembe'yi poi canqque'fa tsa'caen tson'jeña'cho. Nane fae se fae canqque'fa tsu tsa'caen Chiganga afeya'cho cuintsu israendeccu egae tsincon'choma joqquitssiañe.

Levítico 16:34 ပူးပေါင်းရင်းမြစ်များ

Levítico 16:2

qquen su: “Que quindya Aarónma condaja injanga Chigai'ccu cachuicco'je'cho cuartonga ca'nisa'ne. Nane tsa enttinge'su sarupai'ccu picco'cho cuarto tsu injanga zutsse ca'ni'masia. Toya'caen tsu Chigai'ccu injancco'fa'cho cafon'su piccofin'dija injanga catse'ma'sia. Nane ñajan tsambe ombanga onfen'bai'ccu attiansi tsu panshaen tsa'caen injanga catse'ta paya'cho.

Levítico 17:1

Na'su Chigaja Moisésnga qquen su:

Hebreo'su 10:14

Nane Jesucristoja fae seyi tisuma afepa poiyi'cco tisenga ttuseye'chondeccuma tsangae ño'ame tson. Nane tayopisundeccu'qque ingi'ccu fae'ngae Cristove in'jamba tsangaeyi ño'ame da'fa.

Hebreo'su 10:3

Tsa'ma a'ija tise'pa egae tsincon'choma aqque'paye osha'fambi. Nane poi canqque'fa fi'ttipa afe'choma Chiganga afe'ñacca'a'qque toya tsu tise'pa egae tsincon'cho shacama injan'jen'fa.

Hebreo'su 9:25

Toya'caen va ande'su Chigama afa'su na'suja poi canqque'fa Chigai'ccu cachuicco'je'cho cuartonga cani'jen. Tisu anjampama afembipa chivo, vaura anjampama'qque afeye cani'jen. Tsa'ma Cristoja tsa'caen cani'jembi ni tsa'caen afe'jembi. Nane tisu anjampa tssansi tsu fae seyi papa Chiga sefacconga ca'nimba ingima tsangae ccushaen.

Hebreo'su 9:7

Tsa'ma enttinge'su Chigai'ccu cachuicco'je'cho cuartongaja Chigama afa'su na'suyi tsu fae canqque'fanga fae seyi ca'niñe osha. Toya'caen tsa'caen ca'ni'da tsu anjampa tssan'choma angaya'cho. Nane tsai'ccu tsu tisu egae tsincon'chone Chigama iñajamba omboe aindeccune'qque Chigama iñajan cuintsu Chiga tise'pa egae tsincon'choma'qque joqquitssiañe.