Levítico 16:13 - Cofán: Chiga Tevaen'jen

¹³ Ca'nimba tsu Na'su can'jen'chonga ñome'bama si'ngenga tuiñaña'cho. Tuiñasi tsu onfen'baja Chiga a'i'ccu injancco'fa'cho cafon piccofin'dima piccoya. Tsa'caen piccosi Aarónjan paya'bi.

Levítico 16:13 ပူးပေါင်းရင်းမြစ်များ

Números 16:18

Tsa'caen susi poiyi'cco tisupa oque oraen'jen'cho tasama ipa si'ngema on'boemba oque oraenqque'su ñome'bama tuiñamba Moisés toya'caen Aarónmbe ccutsu'ttinga ccutsian'fa. Chigama cachuicco'je'tti'su carpa jin'ttinga tsu tsa'caen ccutsian'fa.

Números 16:46

Moisésja Aarónga su: —¡Que ñome'bama oque'je'choma i'ngapa Chiganga afeye oque'je'cho si'ngema on'boemba ñome'bama'qque tuiñajan! ¡Tsa'caen tsomba junde aindeccu can'jeni japa Chigama iñajanjan tsendeccu egae tsincon'chone joqquitssiya'chove! Ñoa'me tsu Na'su Chigaja iyicca'yepa fi'ttiye tson'jen. Nane tayo tsu paqque'sui'ccu paye ashaen'fa.

Números 16:7

Tu'ija tsanga si'ngema ppiñamba ñome'bama'qque tuiñaña'cho cuintsu o'roye. Tsomba Na'su Chiganga i ccutsiaña'cho. Majama Na'su Chiga in'jamba canjaensi tsaja Chigambe tisia've somboen'cho tsu. ¡Tsa'caen canjaensi naniña'cho tsu, levítandeccu!

Hebreo'su 7:25

Tsa'camba Jesúsja tsangae nanitsse a'ima ccushaeñe osha. Poiyi'cco majan tise've in'jamba Chiganga catse'nijan tise tsu ccushaeña. Tsangae tsu Jesúsja canse tsendeccune Chigama afaye.

Hebreo'su 9:24

Ma'caen Tisunga catsepa cachuiccoya'chove canjaeñe in'jamba Chigaja a'ima manda cuintsu Tisei'ccu cachuicco'je'cho carpave ccutsiañe. Ccutsiamba tsanga ca'ni'fa Chigama iñajañe. Tsa'ma Cristoja tseni ca'nimbipa tansintsse Chiga sefacconi japa tsu Chiganga ccutsupa cambajunaccu ingine afa'je.