Levítico 14:7 - Cofán: Chiga Tevaen'jen

⁷ Omboe tsu na congomba pajipa ccusha'choma siete se tsa anjampai'ccu bitssaeña'cho. Tsa'caen bitssaemba, ‘Tayo qui giya'tsse ccusha’ qquen supa tsu cansian chhiririama fetta mañaña'cho.

Levítico 14:7 ပူးပေါင်းရင်းမြစ်များ

2 Reyes 5:10

Tsa'ma Eliseoja tisu sombombe'yi tisema shondo'suma moe cuintsu qquen condaye: “Japa Jordán na'enga siete se onjomba qui giya'tsse ccushaya que na congomba paqque'suma.”

2 Reyes 5:14

Pañamba Naamán japa Jordán na'enga siete se cu'no Chiga aya'fama afa'su suqquia'caen. Tsa'caen siete se onjomba sombosi tayo ccushapa tise najan ñoa'me cunamba dusunga ttonoa'cantsse da.

Salmos 51:2

Cashi catija ña in'jangae tsincon'choma. Ccucha catija ña egae in'jan'choma.

Salmos 51:7

Canttini'cco tosei'ccu ñama cashija tsayita gi giya'tssiya. Ñama cashija cuintsu ñajan chandisu'ccoma ti'tsse tototssiye.

Isaías 52:15

tise poi ande'su a'ima giyaensi avujatsse can'boen'faya. Nane ande nasundeccu'qque attepa afaye osha'faya'bi. Tayoe pañambi'choama tsu in'jan'faya.

Levítico 16:14

Toya'caen tsu vaura quitsaye anjampama tsimian'ccoi'ccu Chiga a'i'ccu injancco'fa'cho cafon piccofin'dinga bitssaeña'cho coejechiga sombo'jefa'su utufanga. Nane siete se tsu tsa cafon piccofin'di utufanga bitssaeña'cho.

Levítico 16:19

Toya'caen tsu tsimian'ccoi'ccu oque'je'chonga siete se anjampai'ccu bitssaeña'cho. Tsa'caen tsomba tsu oque'je'choma israendeccu egae tsincon'cho'ye giyaeña'cho, Chigambeve tsoñe.

Levítico 16:22

Chivoja tsa'caen a'i menia japa qquepa pa'cco israendeccu egae tsincon'choma'qque angapa qqueñaña.

Levítico 4:6

Ca'nimba tisu tsimian'ccoma tssipoemba enttinge'su cuarto sarupa piccofin'dinga catsepa siete se tsanga bitssaeña'cho Na'su Chiga can'jen'chonga.

Juan 19:34

Tsa'caen uccambipa fae sundaro tise dansan'choi'ccu Jesús utuccu'ttima quiccusi tse'faei'ccuyi tsa'ccu anjampai'ccu sombo.

Hebreo'su 10:22

Tise tsa'caen ingine afa'ninda jinge tise've in'jamba ti'tsse Chigama atesu'faye. Ingi injama'choni se'pimbe'yi ñoa'me Jesucristo ingi'ccu can'jemba fuite qquen in'jamba Chigama ti'tsse atesu'faya'cho. Nane Jesucristoja tise anjampa tssansi ingi injama'choma giya'tsse tson. Tsa'caen giyaensi gi ingi egae tsincon'choma aqque'paye osha'fa. Toya'caen tayopi'su Chigama afasundeccu chandi'tssia tsa'ccui'ccu ai'voma onjonqquia'caen ingi'qque giya'tsse dapa Chigama ti'tsse atesu'faya'cho.

Hebreo'su 12:24

Ñoa'me qui Jesúsnga catse'fa. Tiseja Chiga cuname a'i'ccu fae'ngae injancco'fa'choma a'inga condapa ingine afa'su tsu. Tise anjampa tssansi a'ima tsangae nanitsse ccushaen. Nane Caínjan tayopi Abelma fi'ttisi Abel anjampaja tssan. Tise anjampa tssan'cho afaye osha'choecan'da tsu: “Ccane'qque Caínma fi'ttija” qquen suye'can. Tsa'ma Jesús anjampa tssan'cho afaye osha'choecan'da tsu: “Poiyi'ccoma ccushaenjan” qquen afaye'can.

Hebreo'su 9:13

Nane a'ija pa'chombe ai'voma pporaen'da, ñoa'me tsu cca'indeccui'ccu bopa Chigama iñajañe oshambi. Ccase cca'i'ccu boye in'jan'da tsu Chiga manda'cho mandaqquia'caen chivoma iya'cho. Tsambi'ta vaura quitsayema iya'cho. Jongoesuma isi fi'ttipa Chigama afa'su tsu tsambe anjampai'ccu afe'sunga bitssaen tsai'ccu tise asettu'choma giyaeñe. Toya'caen vaura du'shu pushema'qque fi'ttipa oque oraemba tsambe cusepama afe'sunga shequiaña'cho. Tsa'caen tise asettu'choma giyaensi ccase tsu tsaja cca'indeccui'ccu bopa Chigama iñajañe osha. Tsa'caen tsesu giyaeñe bare'ninda

Hebreo'su 9:19

Qquen tsu Moisésja tson: Chiga mandaqquia'caen Moisésja pa'cco manda'choma a'inga condase. Tsomba vaura du'shu anjampa, chivo anjampama'qque tsa'ccunga tssutssian. Tssutssiamba cu'a oveja tosema canttini'cconga tandamba tssipoen. Tssipoemba tsai'ccu Chiga manda'cho tevaen'jema bitssaen. Toya'caen aindeccunga'qque bitssaen

Hebreo'su 9:21

Tsa'caen supa Moisésja Chigai'ccu cachuicco'je'cho carpama, pa'cco tseni'su Chigama iñajañe vase'je'choma'qque anjampai'ccu bitssaemba giyaen.

Hebreo'su 9:26

Tsa'cambiecan'da, ñoa'me tsu tiseja va andeve agattointene pa'ñaccapa vanañe'can tsa'caen poiyi'cco tayopi'su a'i egae tsincon'choma'qque joqquitssiañe. Tsa'ma ingi atesuqquia'caen ja'ño Chiga tayo'su a'i'ccu injancco'fa'cho naningesi Cristoja fae seyi a'ive dapa pa a'i egae tsincon'choma nanitsse tsangae joqquitssiañe.

1 Pedro 1:2

Chiga Quitsaja osha'choma atesupa tayoe tisu in'jan'cho a'ima in'jamba ja'ñojan tsendeccuma ttu'se. Que'i qui tsendeccu. Chigaja Tise Qquendya'pai'ccu que'ima Tisene pa'cco ñotsse ñoña cuintsu Jesúsma pañamba tise anjampai'ccu ccuchayepa canse'faye. In'jan gi cuintsu Chiga que'inga osha'cho ñotsse tson'jensi que'i ñotsse opatsse canse'faye.

1 Juan 5:6

Jesucristo jisi tsa'ccu, anjampaja tisene canjaen'fa. Fetiyesi tsa'ccu tsu canjaen. Tsa'ma aqquia tsa'ccui'ccuyi canjaembi tsu. Tise anjampa'qque tssamba canjaen.