Jueces 7:20 - Cofán: Chiga Tevaen'jen

²⁰ Nane tsa tres naccu poiyi'cco tsonjen'choma jeñamba fae'ngatsse apima dojo'fa. Tse'faei'ccuyi singete'cho tuño anchandasi pavefa'su tivei'ccu tsama yasapa tansinfa'su tiveni tsonjen'choma an'biamba qquen fae'ngae fundo'fa: “¡Na'su Chiga, toya'caen Gedeónme'qque in'jamba matichi'ccu patsu'faja!”

Jueces 7:20 ပူးပေါင်းရင်းမြစ်များ

1 Corinto'su 15:52

Tse'faei'ccuyi, pasa'pave sefacconi'su jen'choma jeñasi gi ccaningae da'faya'cho. Ñoa'me sefacconi'su jen'choma tsu jeñaña. Jensi pa'chondeccuja congo'masiave dapa tsu qquendyapa canse'faya. Ingi'qque ccaningae dapa canse'faya.

2 Corinto'su 4:7

Ñoa'me ñotssiama doqque'su apini an'bianqquia'caen paqque'su ai'voni gi va ñotsse in'jan'choma an'bian'fa. Tsa'caen an'biamba osha'choma oshachosi tsu cca'indeccuja in'jan'fa ñoa'me Chiga Quitsa ingima quiñaensi gi tsa'caen canjaen'jen'fa. Ingi tisuyi oshambisi Chigaja ingi'ccu osha'choma oshacho.

1 Tesalónica'su 4:16

Tsa'ma Na'suja ttu'seye mandapa Tisema sefacconi'su shondo'su na'su fundosi Chigambe jen'choma jeñasi Jesús tsu sefaccone andeya. Tsa'caen Na'su Jesús sefaccone andesi Cristove in'jamba pa'chondeccuja o'tie qquendya'faya.

Hebreo'su 11:4

Tayopi'su Adán dutssi'ye Abel, tise quindya Caín'qque tise'pa afe'choma Chiganga afe'fa. Caínjan Chigave ñotsse in'jambi'ma aqquia afe. Tsa'ma Abelja Chigave in'jamba ñotsse afesi Chigaja tise afe'choma in'jamba “Abelja ño'a” qquen tsu su. Can'jemba Caínjan Abelma fi'tti. Tsa'ma Abel pa'ni'qque toya tise canseite Chigave in'jamba canse'choma pañamba gi Chigave in'jan'chone ti'tsse atesu'fa.

Josué 6:16

Septimome shoquendi'fasi Josuéja aindeccuma qquen manda: “¡Fundo'faja! ¡Nane Na'su Chiga tsu va canqquema patsupa que'inga afe!”

Josué 6:20

Josué tsa'caen mandasi tsonjen'choma jeña'fasi aindeccu'qque poiyi'cco fundo'fa. Tsa'caen jeñamba quian'me fundo'fasi canqque ttuccuja osuipa amppi. Tsonsi poiyi'cco a'i tansintsse ansundepa ca'nimba canqquema patsu'fa.

Josué 6:4

Siete Chigama afasundeccu oveja quitsa'ye can'cho tsonjen'choma an'bian'chondeccu tsu Chiga a'i'ccu injancco'fa'cho cafonma o'tie jaya'cho. Toya'caen septimo a'ta tsu ti'tsse, siete se, canqquema shoquendiya'cho. Nane Chigama afasundeccuta tsu tsonjen'choma jeñamba siete se shoquendi'jeya'cho.

2 Pedro 1:15

Tsa'camba tisu osha'ta gi sema'jen, cuintsu ña pa'ni'qque que'i ña atesian'choma injan'jen'faye.

Jueces 7:19

Tsa'caen supa Gedeónjan tisei'ccu jaya'cho cien a'i'ccu carpa sheque'chombe jofa'su utufanga nepi'fa. Ñoa'me enttinge cosesi madiandeccu tseyi faesu sundarondeccuma cambiamba ronda'suve ccutsian'fa. Nepipa jundeyi tise'pa tsonjen'choma jeñamba anga'cho apima dojo'fa.

Jueces 7:21

Tsa'caen tsomba poiyi'cco tise'pa ccutsu'ttie carpa sheque'choma shoquendi ccutsu'fasi tsu madiandeccuja dyopa fundopa ccuya'fa.