Jueces 6:33 - Cofán: Chiga Tevaen'jen

³³ Omboe tsu poi madiandeccu, amalecitandeccu toya'caen poiyi'cco cca'i chiga sombo'jefa'su aindeccu fae'ngae bopa Jordán na'ema isepa Jezreel sinjunccuni tise'pa carpama ccutsutsian'fa.

Jueces 6:33 ပူးပေါင်းရင်းမြစ်များ

Génesis 29:1

Jacobja tise jayi'cho tsaiqui'ye japa chiga sombo'jeni'su andeni nepi.

1 Reyes 18:45

Pañamba Acabja tise caronga otsepa Jezreelni ja. Tise jasi sefacco unjimbai'ccu si'en dasi fingian'qque jangi. Tsonsi unjinjan pa'choa've tuiye ashaen.

Job 1:3

Toya'caen siete mil ovejambe na'su. Nane tres mil cameyo, mil qquitssa'je'cho vaura, quiniento boro, toya'caen tsain'bio semasundeccuve tsu an'bian. Nane pa'cco chiga sombo'jefa'su aindeccuma ti'tsse rico tsu.

Oseas 1:5

Nane tsequi a'ta gi Jezreel sinjunccuni pa'cco Israel sundarondeccuma me'tsse sefaeña.”

Josué 3:16

na'en ai'je'choja pasa. Nane biani tsu tsa'caen bo ccutsu Adam canqque jini. Tsa Adam tsu Saretán pporotsse. Tsa'caen bo ccutsusi a'ningae Pa'cho marningae ai'je'cho'qque samba. Tsa'caen dasi poiyi'cco a'i tsui ise'fa Jericó isevetsse.

Jueces 6:3

Israendeccu tisupa anqque'suve jon'fani'qque junde tsu madiandeccu amalecitandeccui'ccu toya'caen faesu chiga sombo'jefa'su aindeccu'qque jipa

Jueces 7:1

A'taningae tsu Jerobaal, tsa Gedeónjan, poiyi'cco tise sundarondeccui'ccu Harod tsa'ccu sombo'jeni bopa can'jen'fa. Tsene'da tsu Madiandeccu can'jen'choja nortefa faesu sinjunccu tsa More ccotta'ccoi'ccu pporotsse.

Jueces 7:24

Efrainsundeccu ccotta'cconi can'jen'chondeccunga'qque Gedeónjan condasundeccuma moe qquen su'choi'ccu: “Jipa madiandeccuma mandian'faja. Jordán naini o'tie japa Bet-barapie se'pi'faja tsendeccu ise'fasa'ne.” Tsa'caen ttu'sesi poi Efraíndeccu ttupa Jordánma ise'faye se'pi'fa Bet-barapie.

Jueces 7:8

Tsa'caen susi Gedeónjan poiyi'cco cca'indeccuma tise'pa tsaoni jaye moe. Tsa'ma tise'pa api, tsonjen'choma'qque isupa moe. Moemba jo'su tresciento a'i'ccuyi catiye. Tse'ttieta tsu madian'su sundarondeccumbe carpa sheque'choja sinjunccuni. Tsambe tansin'choni tsu Gedeónjan can'jen.