Jueces 6:25 - Cofán: Chiga Tevaen'jen

²⁵ Tsequi cose'yi tsu Na'suja Gedeónma su: —Que yaya segundo vaura quitsa'ye coenzama, tsa siete canqque'fave an'bian'choma, angaja. Toya'caen que yayambe chiga Baalnga afeye oque'je'choma asi'ttapa tse'tti ccutsu'cho chiga Asera quini'ccoma'qque ttuttuja.

Jueces 6:25 ပူးပေါင်းရင်းမြစ်များ

Génesis 35:2

Tsa'caen susi pañamba Jacobja tisu antiandeccu toya'caen poiyi'cco tisema fuitesundeccuma'qque qquen afa: —Pa'cco que'i an'bian'cho faesu chigama somboemba catipa tisupa'qque onjomba faesu giya'tssiama ondiccu'faja.

1 Reyes 18:21

Tsonsi Elíasja poi aindeccunga catsepa su: —¿Mi'nge'e qui tsa'caen dosve in'jamba canse'fa'ya? Na'su Chiga ñoa'me Chigamanda tsave in'jan'faja. Tsambi'pa Baal ñoa'me Chigamanda tsu tsave in'jan'faya'cho. Tsa'caen susi a'i bo'choja afa'fambi.

Éxodo 34:13

Tsa'cansi tise'pa chigandeccunga oque oraen'jen'ttima osuiamba pa'cco tseni ccutsu'cho tise'pa iñajan'jen'cho patu, toya'caen Asera chiga quini'ccoma'qque metsse cati'faja.

Mateo 10:37

Majan a'ija tise yayama, tise mamama ñama ti'tsse in'jan'da ñotssimbi tsu ña a'ive daye. Majan tise dutssi'yema, tise onque'ngema ñama ti'tsse in'jan'da ñotssimbi tsu ña a'ive daya.

Mateo 6:24

Sema'suja dos na'suma shondoye oshambi. Nane fa'ema chi'gapa faesuma tsu in'jaña. Tsambi'ta fa'ema ñotsse in'jamba faesuma tsu chi'gaya. Chigama in'jamba que'i corifin'dima'qque fae'ngatsse in'jañe osha'fambi qui.

Tson'fa'cho 4:19

Tsa'ma Pedro, Juan'qque pañamba su'fa: —¿Jongoesu tsu Chigane ti'tsse ñotssi, qquen qui in'jan'fa? ¿Que'ima ti pañañe o Chigama ti pañaña'cho?

Tson'fa'cho 5:29

Qquen susi Pedro, faesu Jesúsne afasundeccu'qque qquen conda'fa: —Ingija Chiga Quitsama pañaña'cho. A'i ccaningae manda'ninda pañañe osha'fambi gi.

Deuteronomio 7:5

Qquen tsu que'i tsoña'cho: tise'pa chiganga afe'je'cho oque oraen'jen'choma tsu osuiaña'cho. Toya'caen tsu tise'pa iñajan'jen'cho patu, quini'ccoma'qque ucca'sho catiya'cho. Toya'caen tise'pa ñoña'cho chigandeccuma'qque oqueya'cho.

Jueces 2:11

Tsa'ma israendeccu egae tsinconsi Na'su atte'ma in'jambi. Nane israendeccuja osha'cho chiga Baal ñoña'choma iñajañe ashaen'fa.

Jueces 3:7

Israendeccu egae tsincon'fasi Na'su Chigaja atte'ma in'jambi. Nane Na'suma aqque'papa osha'cho chiga Baal toya'caen chiga Astarté ñoña'choma iñajan'jen'fa.

Jueces 6:26

Tsomba Na'su Chiga in'janqquia'caen ño'an oque'je'chove ñoñajan va ccotta'cco ombanga Na'su que Chiganga afeye. Tsomba tsa chiga Asera quini'ccoma si'tsive accoshapa tsa segundo vaura quitsa'yema oque oraemba Ñanga afeja.