Jueces 6:16 - Cofán: Chiga Tevaen'jen

¹⁶ Tsa'caen susi Na'suja su: —Ña quei'ccu can'jensi qui pa'cco ña manda'choma oshaya. Nane madiandeccuma qui patsuya fae a'ima tssai amppian moenqquia'caen.

Jueces 6:16 ပူးပေါင်းရင်းမြစ်များ

Éxodo 3:12

Tsa'caen susi Chigaja su: —Ña gi quei'ccu can'jeña. Toya'caen va canjen'chota tsu ñoa'me ñotsse canjaemba quema manda'cho: Maqui a'ta queja, ña aindeccuma Egipto'ye somboen'da qui que'i poiyi'cco va'ttinga jipa ñama iñajan'faya.

Isaías 41:10

Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Mateo 28:20

Toya'caen pa'cco ña que'ima mandaqquia'caen qui tise'pama'qque atesiaña'cho cuintsu tsa'caen pañamba tson'faye. Tsa'caen in'jaemba ñotsse in'jan'faja: Tsangae osefaeña'gae gi que'i'ccu can'jeña. Tsangaeyi.

Marcos 16:20

Tsa'caen jasi tisema shondosundeccu poi andenga japa ccushaya'chone ñotsse condase'choma candusian'fa. Tsa'caen candusiansi Na'su Jesús tise'pama fuite. Nane sefacconi'su canjaen'choma attian tise'pa su'cho ñoa'me Chiga su'cho qquen canjaeñe. Tsangaeyi.

Tson'fa'cho 11:21

Na'su Chiga tisema fuitesi condasesi tsu tsain'bitssi a'i tise'pa tayopi in'jan'choma anttepa Na'su Jesúsve in'jan'fa.

Josué 1:5

Pa'cco que cansuite gi quema quiñaeña faesu quema joqquitssiansa'ne. Ña Moisési'ccu can'jenqquia'caen gi quema'qque quiñaeña. Minguite'qque gi quema tisuveyi catiya'bi.

Jueces 2:18

Faesu aindeccu israendeccuma patsusi vana'jen'ninda tsu Na'su Chigaja tise'pa ina'jen'choma pañamba tise'pama mende'ye. Mede'yepa ñoquian'suma ccutsiamba fuite cuintsu tsambe cansuite israendeccuma tise'pa iyiccosundeccu'ye ccushaeñe.

Jueces 6:12

Tsa'caen qquesho'jesi Na'su Chigama sefacconi'su shondo'suja tisenga attiamba su: —¡Na'su Chiga quei'ccu can'jensi queja ñoa'me quin'an sundaro qui!

Jueces 6:36

Tsomba Gedeónjan Chigama su: “Que suqquia'caen ña tivei'ccu israendeccuma ccushaeñe tson'jen'da qquen tsonjan:

Rut 2:4

Toya'caen tsequi a'ta Boozja canqquene nepipa tise'be taisundeccuma chigambian: —¡Cuintsu Na'su Chiga que'i'ccu can'jenjan! Ccane'qque chigambiamba su'fa: —¡Cuintsu Na'su Chiga quema ñotsse tsonjan!