Jueces 2:17 - Cofán: Chiga Tevaen'jen

¹⁷ Tsa'ma israendeccuja ñoquiansundeccuma ñotsse paña'fambi. Pañambipa Na'suma catipa faesu chigandeccuma iñajan'jen'fa. Nane tise'pa tayopisundeccu Na'su manda'choma pañamba canseqquia'caen canse'fambi.

Jueces 2:17 ပူးပေါင်းရင်းမြစ်များ

Salmos 106:39

Nane israendeccuja tsa'caen egae tsincomba tisupama'qque egave tsomba tisupama afe'fa osha'cho egae tsincon'chove tsoñe.

Salmos 106:43

Chigaja tsain'bitsse tise'pama ccushaen'ñacca. Tsa'ma tise'pa injama'choni ccaningae in'jamba Na'su tson'choma chi'gapa ti'tsse egae tsincon'fa.

Éxodo 32:8

Nane jundeyi tsu joqquitssi'fa ña mandapa afe'cho tsaiqui'ye. Joqquitssipa tsu corima vaura du'shua'caen ñoñamba tsanga iñajamba afe'choma'qque afe'fa. Tsomba tsu qquen su'fa: ‘¡Israendeccu, va tsu que'i chiga, que'ima Egiptone somboen'su!’

Galacia'su 1:6

Que'i tayo faesu condase'choma in'jansi pañamba gi ñoa'me dyojo'cco. Nane Chigaja Cristo in'jan'choi'ccu que'ima ttu'sesi qui ja'ño Tisema cati'je. Tsa faesu condase'choja aqquia'a tsu.

Jueces 2:7

Josué toya cansuite tsu poiyi'cco israendeccuja Na'su Chigama iñajamba can'jen'fa. Toya'caen Josué pa'ninda tisei'ccu coenzandeccu toya cansuite tsu tsa'caen Na'su Chigama iñajan'fa. Nane tsendeccu poiyi'cco tsu Na'su osha'cho israendeccunga ñotsse tson'jen'choma attepa in'jan'chondeccu.