Jueces 16:7 - Cofán: Chiga Tevaen'jen

⁷ Tsonsi Sansónjan co'fepa su: —Siete battittianccu'su tandan'fa toya sambambi'choai'ccu tandan'ninda gi tsainfambie dapa faesu a'ia'caen injanga quingo'jeya.

Jueces 16:7 ပူးပေါင်းရင်းမြစ်များ

Romanos 3:8

Nane tsa'caen tso'ninda egae tsincoña'cho tsu Chigaja ñotssia qquen canjaeña.” Isha, tsa'cambi tsu. (Tsa'ma majan a'i ingima dañoñe in'jamba: “Pabloja tsa'caen atesian'jen” qquen tsu afopoen'fa.) Ñotsse tsu Chigaja tsendeccuma ñoa'me vanaeña.

Galacia'su 6:7

Tisuma afopoen'fajama. ¿Ma'caen tsu a'tutsse injanga canse'choma Chiganga afopoen'faya? Jon'choma fae'ngatsse tsu taiya'cho. Tsa'caen que'i tsonqquia'caen, ccane'qque que'inga tsoña.

Colosa'su 3:9

Afopoencco'fajama tisupapora. Tsaja tayo pasa. Tayoe tsa'caen egae tsincomba qui canse'fa. Tsa'ma ja'ñojan tayo'su in'jan'choma catipa qui tsa'caen tsincon'fambi.

Jueces 16:10

Tsonsi Dalilaja Sansónma su: —Queja afopoemba ñama sumbive attian. Tsa'ma chigáne ñanga condaja ma'caen quema tandaña'chove.

Jueces 16:6

Tsa'caen su'fasi Dalila Sansónma su: —Chigáne ñanga condaja ¿queja jongoesui'ccu qui tsa'caen quin'anme da? ¿Jongoesui'ccu tandansi qui opattuye oshaya'bi?

Jueces 16:8

Pañamba condasi filisteo'su nasundeccuja siete cuna toya sambambi'choa battittianccu'su tandan'fama ipa Dalilanga afe'fa. Afesi tsai'ccu Dalilaja Sansón ana'jen'choma tandan.

Jueces 16:9

Tsomba tsandiendeccu a'tutsse cuartoni ronda'jesi Sansónma fundopa su: —¡Sansón, injama'tse! ¡Filisteondeccu quema indiye ji'fa! Pañamba Sansónjan battittianccu'su tandan'fama opattu shequian simba'fa si'ngenga pporopa ttuqquia'caen. Tsa'caen tsonsi filisteondeccuja tise jongoesui'ccu quin'go'chove toya in'jan'fambi.