Jueces 16:20 - Cofán: Chiga Tevaen'jen

²⁰ Dalilaja quian'me Sansónma fundo: —¡Sansón, injama'tse! ¡Filisteondeccu quema indiye ji'fa! Sansónjan qquendyapa in'jan: “Tayoe tsonqquia'caen tsomba tisuma ccushaeñe.” Tsa'ma atesumbi Na'su Chiga tisei'ccu can'jembi'choa've.

Jueces 16:20 ပူးပေါင်းရင်းမြစ်များ

Números 14:9

¡Tsa'ma Na'su Chigama pañambiqquia'caen tson'fajama ni tsa ande'su aindeccuma dyo'fajama! Nane tsendeccumanda gi panma anqquia'caen patsu'faya. Toya'caen majan tise'pama fuiteya'chove me'i'on tsu. Tsa'ma ingimajan Na'su Chiga tsu fuiteya. Tsa'cansi —¡Dyo'fajama!

Mateo 17:16

Quema shondosundeccuma ccushaeñe iñajansi tise'paja osha'fambi.

Mateo 17:20

Jesúsja su: —Que'ija toya ñame ñoa'me in'jan'fambi. Nane ñame aqquia re'riccoe in'jan'da ñoa'me osha'choma qui osha'faya. Mostasa cho ñoa'me'qque chipiri tsu. Que in'jan'choja tsa'caen chipirisi va rande ccotta'ccoma “Joqquitssipa cca'ttinga japa ccutsuja” qquen mandasi tsa'caen tsu jaya. Que'i tsa'caen ñame in'jamba nane osha'choma qui osha'faya.

2 Corinto'su 3:5

Tisuyi gi jongoesuve tsoñe osha'fambi. Tsa'ma Chiga ingima in'jaensi gi Tise tson'choma tson'fa.

Josué 7:12

Tsa'camba tsu israendeccuja tise'pai'ccu iyiccosundeccui'ccu cambajunaccu ccutsupa iyiccoye osha'fambi. Nane israendeccuja tisupa shacaemba tsa'caen tisupa sefaya'chove tson'da tsu ja'ñojan dyopa ccuya'je'faya'cho. Toya'caen ña sefaeña'cho manda'choma que'i uta'tsse sefaembian'da gi ñajan que'i'ccu ti'tsse can'jeña'bi.

Jueces 16:14

yoshavai'ccu ta'ya've indian. Indiamba Sansónma fundo: —¡Sansón, injama'tse! ¡Filisteondeccu quema indiye ji'fa! Sansónjan qquendyapa pa'cco tisema otatapa yoshavai'ccu indian'choma ucca cati.

Jueces 16:19

Dalilaja Sansón tsovema tisu ttena'gonga opipa anae. Tsa'caen anaemba a'ima ttu'se cuintsu tise siete'fave uga'cho tosema chattuye. Tsa'caen tosema chattupa tayo tisema patsuye ashaen qquen in'jamba

Jueces 16:21

Tsonsi filisteondeccu tisema indipa tise tso'fema boi somboemba tisema anga'fa Gaza canqqueni. Tseni angapa tise tivema cu'a yoshava candenai'ccu tandamba picco'je'ttinga piccopa manda'fa cuintsu trigoma sunda'jeye.

Jueces 16:3

Tsa'ma Sansónjan enttinge coseya'ngaeyi can'jemba jangipa japa canqque sombo'tti'su piccofin'dima indichoya'chove dyaiña'choi'ccu fae'nga pa'cco quini'cconga yavian'choma sai isupa opipa anga Hebrón isevetssia'su ccotta'cconga. Tseni angapa ccuiña.

Jueces 16:9

Tsomba tsandiendeccu a'tutsse cuartoni ronda'jesi Sansónma fundopa su: —¡Sansón, injama'tse! ¡Filisteondeccu quema indiye ji'fa! Pañamba Sansónjan battittianccu'su tandan'fama opattu shequian simba'fa si'ngenga pporopa ttuqquia'caen. Tsa'caen tsonsi filisteondeccuja tise jongoesui'ccu quin'go'chove toya in'jan'fambi.