Jueces 15:7 - Cofán: Chiga Tevaen'jen

⁷ Tsonsi Sansónjan ti'tsse iyicca'yepa su: —Que'i jova'caen tsincon'ninda gi anttembe'yi que'ima dañoña.

Jueces 15:7 ပူးပေါင်းရင်းမြစ်များ

Romanos 12:19

In'jan'chondeccu, faesu que'ima egae tsinconsi ccane'qque tisema egae tsincon'fajama. Tsa'ma antte'faja cuintsu Chiga Quitsa tsa egae tsincon'suma iyicca'yepa iyu'uye. Na'su Chigaja qquen su'choma tayo tevaen: “Ña gi injama'choma somboen'su. Egae tsincon'suma gi egae tsoña.” Tsa'caen tsu Na'suja su.

Jueces 14:19

Tsonsi Na'su Chiga Qquendya'pa tisema in'jaensi Sansónjan Ascalón canqqueni japa treinta a'ive tsa canqque'su tsandiendeccuma fitti'tti. Fitti'ttipa tsendeccumbe ondiccu'jema oshichhaemba ipa afe tise in'jamba su'choma condasundeccunga. Tsa'caen tsomba ñoa'me iyicca'yepa somboin ja tise yaya tsaoni.

Jueces 14:4

(Nane tise yaya tise mama'qque atesu'fambi tisema Na'su Chiga in'jaensi tsa'caen in'jan'chove. Nane filisteondeccu israendeccuma patsupa manda'jesi Na'su ma'caen tsomba filisteondeccuma dañoña'chove ttatta'je'choma atesu'fambi.)

Jueces 15:6

Oquesi filisteondeccu majan tsa'caen tson'chove iñajampañasi tsu su'fa: —Sansón, tsa Timnat'su du'su, tise pushema tisema shondo'sunga tise quitsa ccashe'ye afesi iyicca'yepa tsa'caen tson'chove. Pañamba filisteondeccu japa Sansón pushe, tise yayama'qque oque cati'fa.

Jueces 15:8

Tsa'caen supa dyo'tssia putsa'suve dapa tsain'bitssi filisteondeccuve fitti'tti. Fitti'tti nanimba japa Etam patu'su changoni canse.