Jueces 15:14 - Cofán: Chiga Tevaen'jen

¹⁴ Filisteondeccu canjen'cho Lehini nepijisi attepa filisteondeccu avujatsse fundoccopa sombo'fa. Tsa'caen fundopa ji'fasi Na'su Chiga Qquendya'pa Sansónma in'jaensi tisema tandan'cho sogama jongoesu lino ju'ru shequeqquia'caen tisu tivei'ccu opattu shequian.

Jueces 15:14 ပူးပေါင်းရင်းမြစ်များ

Éxodo 14:3

Tsa'caen tson'fasi tsu faraónjan qquen in'jaña: ‘Israendeccuja maningae jaya'chove atesumbipa qquepa a'i menia jacan'fa.’

Éxodo 14:5

Tsa'caen tson'jen'fa'ni egipto'su na'sunga conda'fa israendeccu ccuyapa ja'choma. Pañamba faraón toya'caen tisema shondosundeccu'qque asi'ttaemba ccaningae in'jamba qquen su'fa: “¿Jongoesu qquen in'jamba gi antte'fa cuintsu israendeccu ingi'be sema'jen'choma anttepa tsa'caen ja'faye?”

Filipo'su 4:3

Faenga'su, chigáne va dos pushesuma ñotsse fuiteja. Queja ñai'ccu ñoa'me fae'ngae sema'su. Tise'pa'qque Clementei'ccu, cca'i ñai'ccu fae'ngae semasundeccui'ccu fae'ngae sema'fa va ñotsse condase'choma condaseye. Chigaja tise'pa inisema tsu Tise Tevaen'jenga tayo tevaen tsangae canse'faya'choe.

Jueces 14:19

Tsonsi Na'su Chiga Qquendya'pa tisema in'jaensi Sansónjan Ascalón canqqueni japa treinta a'ive tsa canqque'su tsandiendeccuma fitti'tti. Fitti'ttipa tsendeccumbe ondiccu'jema oshichhaemba ipa afe tise in'jamba su'choma condasundeccunga. Tsa'caen tsomba ñoa'me iyicca'yepa somboin ja tise yaya tsaoni.

Jueces 14:6

Na'su Chiga Qquendya'pa Sansónma fuitesi tisu tivei'ccuyi ttesima sirian cati chivo du'shu chu'ama fi'ttiqquia'caen. Tsa'ma tsa'caen tsomba tise yaya ni tise mamanga condambi.

Jueces 15:13

Tsonsi tsu su'fa: —Me'in, ingija quema fi'tti'faya'bi gi. Tsa'ma aqquia quema tandamba tise'panga afeye gi ji'fa. Tsa'caen supa Sansónma dos cuna sogai'ccu tandamba somboen'fa tise a'tupa can'jene.

Jueces 15:9

Tsonsi filisteondeccu Judá andeni jipa tise'pa carpama ccutsutsian'fa Lehini.

Jueces 16:12

Tsa'caen supa ana'jensi Dalilaja Sansónma cuna sogai'ccu tandan. Tandamba faesu aindeccu cuartoni indiye ronda'jesi Sansónma fundopa su: —¡Sansón, injama'tse! ¡Filisteondeccu quema indiye ji'fa! Pañamba Sansónjan tivema tandan'cho sogama ttuña cati iro chipirima tuñaqquia'caen.

Jueces 16:24

Toya'caen filisteo aindeccu'qque Sansónma attepa qquen afapa settapoen'fa: “Ingi chiga tsu ingi'ccu iyicco'suma patsupa inginga afe. Nane ingi andema dañomba ingi aindeccuma fitti'tti'chone tsu ja'ño tisema patsupa inginga afe.”

Jueces 16:9

Tsomba tsandiendeccu a'tutsse cuartoni ronda'jesi Sansónma fundopa su: —¡Sansón, injama'tse! ¡Filisteondeccu quema indiye ji'fa! Pañamba Sansónjan battittianccu'su tandan'fama opattu shequian simba'fa si'ngenga pporopa ttuqquia'caen. Tsa'caen tsonsi filisteondeccuja tise jongoesui'ccu quin'go'chove toya in'jan'fambi.

Jueces 3:10

Na'su Chiga Qquendya'pa Otonielma in'jaensi israendeccuma angacan. Tsa'caen israendeccu Cusan-risataima iyiccoye ja'fasi Na'su tise'pama fuite cuintsu patsu'faye.

1 Samuel 17:35

tisema omboemba gi tise aya'fa'suma itsa. Nane ñama iyicca'ye'ninda gi tise ccotai'cco'ye indipa tisema ochha'chha fi'ttiya'ngae.