Jueces 14:4 - Cofán: Chiga Tevaen'jen

⁴ (Nane tise yaya tise mama'qque atesu'fambi tisema Na'su Chiga in'jaensi tsa'caen in'jan'chove. Nane filisteondeccu israendeccuma patsupa manda'jesi Na'su ma'caen tsomba filisteondeccuma dañoña'chove ttatta'je'choma atesu'fambi.)

Jueces 14:4 ပူးပေါင်းရင်းမြစ်များ

1 Reyes 12:15

Na'su Chiga tsa'caen anttesi tsu na'su Roboamjan aindeccu su'choma in'jambi, cuintsu Na'su Chiga tayoe Jeroboamnga suqquia'caen somboye. Nane tayo tsu Chiga aya'fama afa'su Ahías tsa'caen Jeroboamnga conda, tsa Silo canqque'su Nabat dutssi'yenga.

Daniel 6:4

Tsama in'jansi tsu fae'ngae presidentendeccu, toya'caen governadorondeccu'qque ma'caen tsomba tise egae tson'choma attepa na'sunga tsesuma egae tsomba shacaen qquen suye in'jamba tta'tta'fa. Tsa'ma Danielja ñoa'me ñotssia a'isi jongoesu shacama atte'fambi. Tsa'camba osha'fambi jongoesu tson'choi'ccu tisenga shacave tsoñe.

Jueces 13:1

Ccase israendeccu Na'su Chigama pañambiqquia'caen egae tsincon'fasi Na'suja antte cuintsu cuarenta canqque'fave filisteondeccu tise'pama patsupa manda'jeye.

Jueces 14:5

Tsa'caen supa Sansón, tise yaya tise mama'qque fae'ngae Timnatni ja'fa. Sansón Timnat'su ofa tsaja nasipanga nepipa tise mama tise yayama o'tie jayisi tse'faei'ccuyi chu'a ttesi quin'an fundopa tisenga butto catse. Catsesi

Jueces 15:11

Tsa'caen pañamba tres mil Judá'su aindeccu bopa Etam patu'su changoni japa Sansónma su'fa: —¿Atesumbi ti qui filisteondeccuja ingi nasundeccu tsu? ¿Jongoesie qui tsa'caen tsincomba tise'pama iyicca'yean? Sansónjan su: —Nane tise'pa ñama tsonqquia'caen gi ccane'qque tise'pama tson.

Jueces 15:3

Tsa'caen susi Sansónjan ñoa'me iyicca'yepa su: —Que'i tsa'caen ñama egae tsonsi ñotssi tsu ña iyicca'yepa filisteondeccuma dañoñe.