Jueces 14:17 - Cofán: Chiga Tevaen'jen

¹⁷ Tsa'ma panshaen iñajampañamba septimo a'tangae i'nasi Sansónjan quimbipa tisenga conda. Nane septimo a'ta tsa fiesta pasaya'cho a'ta tsu tisenga conda. Condasi pañamba tse'faei'ccuyi tise pusheja aindeccunga japa tise tsa'ndu su'cho in'jan'choma conda.

Jueces 14:17 ပူးပေါင်းရင်းမြစ်များ

Génesis 3:6

Pushesuja tsama pañamba quini'ccoma camba ñotssi tsu qquen in'jan. Toya'caen tsambe na ñotssia anqque'susi an'da ñotssiave toya'caen egave'qque atesuye qquen in'jamba nama pishopa an. Amba faesuma pishopa tise tsa'ndunga afe. Afesi tise'qque an.

Job 2:9

Tsonsi tise pusheja su: —¿Toya ti qui ñotsse tson'su qquen in'jan? ¡Chigama afasepa paja!

Miqueas 7:5

Tisupapora in'jamba afa'choma pañajama. Que injama'cho in'jan'choma'qque que ñotsse in'jan'chonga condajama. Nane que pushenga jongoesuma condase'je'ta injan'jeñi condaseja.

Lucas 11:8

Tsa'ma ñoa'me gi su, tiseja tisu amigombi'ma'caen jangipa quenga afembipa pashaen noñangiansa'ne tsu jangipa osha'cho que in'jan'choma afeya.

Jueces 14:16

Tsonsi Sansón pusheja Sansóni jipa i'namba munsimba su: —Queja ñama chi'ga. Ñoa'me qui ñama in'jambi. Ña aindeccunga que in'jan'choma afapa ñangaja a'tatsse que in'jamba su'choma condambi. Tsa'caen i'namba susi Sansónjan su: —Ju. Ni ña yaya ni ña mamanga conda'can gi quengata bove condaya.

Jueces 14:18

Pañamba tsa septimo a'ta toya chiga amppimbi'te tsa canqque'su tsandiendeccuja Sansóni jipa su'fa: “Metssi tsu cuñajun'choma ti'tsse ansintssia've. Metssi tsu ttesima ti'tsse quin'anme.” Pañamba Sansónjan su: —Ña vaura pushei'ccu andema dyan'dyambiecan'da toya qui ña in'jamba su'choma atesu'fambiye'can.

Jueces 16:13

Tsa'caen tsonsi ccase Dalilaja Sansónma su: —Ja'ño'qque qui afopoemba ñama sumbive attien. Ñanga condaja ma'caen quema tandaña'chove. Sansónjan su: —Ña tsove'su tosema siete boña'fave indipa sarupave ugaje'cho iroi'ccu fae'ngae ota'tapa yoshavai'ccu ta'ya've indian'ninda gi tsainfambie dapa faesu a'ia'caen injanga quingo'jeya. Tsa'caen supa ana'jensi Dalilaja tise tosema siete boña'fave indipa sarupave otata'je'cho iroi'ccu fa'enga ota'tapa

Jueces 16:16

Tsa'caen poi a'ta panshaen toeveyi iñajanse'poensi Sansónjan paña'ma quimbi.

Jueces 16:6

Tsa'caen su'fasi Dalila Sansónma su: —Chigáne ñanga condaja ¿queja jongoesui'ccu qui tsa'caen quin'anme da? ¿Jongoesui'ccu tandansi qui opattuye oshaya'bi?