Jueces 13:22 - Cofán: Chiga Tevaen'jen

²² In'jamba tise pushenga su: —¡Ñoa'me gi paye tson'jen'fa tayo Chigama attepa!

Jueces 13:22 ပူးပေါင်းရင်းမြစ်များ

Génesis 32:30

Afasi Jacobja: “Tayo Chigama cambajunaccu atte'ma gi toya canse”–qquen supa tse'ttima inisian Penuel.

Éxodo 24:10

Tseni tsu atte'fa israendeccumbe Chigama. Nane tise tsu'tte tsosiccuni tsu veyaratssia totoa patiacaen chanjun. Toya'caen sefaccoa'caen a'tatssi tsu.

Éxodo 24:9

Tsomba Moisésja Aarón, Nadab, Abiú, toya'caen setenta israe'su coenzandeccui'ccu ccotta'cconga ansunde.

Éxodo 3:6

Toya'caen tsu su: —Ña gi que coenzandeccu'yembe Chiga, nane Abraham, Isaac toya'caen Jacobmbe Chiga. Tsa'caen susi Moisésja camba'juma picco Chigama cañe dyojopa.

Éxodo 33:20

Tsa'ma gi su queja ña camba'juma atteye oshambi qui. Nane majañi'qque tsu ñama attepa ti'tsse canseye oshambi.

Isaías 6:5

Attepa gi asi'ttaen: “¡Va'cha gi! ¡Paye tson'jen! Nane tisu tso'fei'ccu gi Na'su, Osha'choma Oshacho'cho Chigama atte. Ña injama'cho egasi ña aya'fa'qque ega. Toya'caen ña can'jen'tti'su aindeccu injama'cho egasi tise'pa aya'fa'qque ega'fa.”

Juan 1:18

Minguite'qque a'ija Chigama atte'fambi. Tsa'ma Jesucristo Chiga Dutssi'yeyi tsu tise Yayai'ccu fae'ngae jinchopa Chigama inginga canjaen.

Juan 5:37

Toya'caen ñama moen'su Chiga Quitsa tsu ñane canjaen'jen. Tsa'ma que'ija Tise Aya'fama paña'fambi ni Tise tsovejuma atte'fambi.

Jueces 6:22

Tsonsi Gedeónjan ñoa'me Na'su Chigambe shondo'su tsu qquen in'jamba su: —¡Ay! ¡Ti'tsse Joccapitssia Na'su! ¡Cambajunaccu gi Quema sefacconi'su shondo'suma atte!