Judas 1:9 - Cofán: Chiga Tevaen'jen

⁹ Nane tayopi Chigama sefacconi'su shondo'su na'su, Miguelja, cocoya na'sui'ccu Moisés ai'vone afacco'fa. Tiseja afasepa afambi cocoya na'su Satana injama'choma somboeñe. Tsa'ma “Na'su Chiga tsu quema iyu'uya” qqueñi tsu su.

Judas 1:9 ပူးပေါင်းရင်းမြစ်များ

Daniel 12:1

“Tse'faei'ccuyi tsu joccapitssia Chigama sefacconi'su shondo'su, Miguel, tsa que aindeccuma coirapa sepi'suja attiaña. Tsequi tsu ñoa'me dyo'tssiya. Nane minguite'qque tsu tsa'caen da'choja attiambi tseyi poi aindeccuve agattointe'qque. Nane tsequi a'ta nepisi tsu poiyi'cco que aindeccu, tayo tseni'su tevaen'jenga tisupa inisema tevaenge'chondeccuja, ccusha'faya.

Marcos 15:29

Aindeccu majan tsangae panshanjimba Jesúsma camba tisu tsovema fenonomba afase'fa qquen supa: —¡Ja! Queja Chiga ettima osaemba tres a'tangae ccase ñoñañe qquen su'chota

Deuteronomio 34:6

Papa Moab ande'su Bet-peor isevetssia sinjunccuni tiseja a'tuye. Nane ja'ño a'tapan majañi'qque atesu'fambi tise mani atuye'chove.

1 Tesalónica'su 4:16

Tsa'ma Na'suja ttu'seye mandapa Tisema sefacconi'su shondo'su na'su fundosi Chigambe jen'choma jeñasi Jesús tsu sefaccone andeya. Tsa'caen Na'su Jesús sefaccone andesi Cristove in'jamba pa'chondeccuja o'tie qquendya'faya.

1 Pedro 3:9

Faesu que'ima egae tsonsi ccane'qque egae tson'fajama. Egae afasesi ccane'qque afase'fajama. Tsa'ma ccane'qque tisema ñotsse tson'faja. Nane Chigaja que'ima in'jamba tsa'caen ttu'se osha'cho ñotssiama que'inga afeye.

2 Pedro 2:11

Tsa'ma Chigama sefacconi'su shondosundeccuja tsa aindeccuma ti'tsse oshapa, ti'tsse manda'a'qque toya tsu tsesu nasundeccune Na'su Chiganga egae afa'fambi cuintsu nasundeccu injama'choma somboeñe.

Canjaen'cho 12:7

Tse'i sefacconi geraencco'fa. Chigama sefacconi'su shondo'su na'su, Miguel, tisema shondo'su sundarondeccui'ccu canjansima geraen'fa. Canjansi'qque tisema shondo'su sundarondeccui'ccu poini ccane'qque geraencco'fa.