Judas 1:7 - Cofán: Chiga Tevaen'jen

⁷ Toya'caen Sodoma, Gomorra, faesu pporotssia'su canqque'su a'i'qque tsendeqquia'caen egae tsincon'fa. Tsandie pushesu'iccu egae da'fa. Toya'caen faesunaccui'ccu egae tsomba Chiga agattoemba mandaqquia'caen tson'fambi. Tsa'can'fasi Chigaja tsendeccuma si'ngei'ccu tsangae vanaen cuintsu poiyi'cco tsama pañamba dyo'faye.

Judas 1:7 ပူးပေါင်းရင်းမြစ်များ

Génesis 13:13

Tseni'su aindeccuja ñoa'me egae in'jamba Na'su Chigama chi'gapa osha'cho tson'choi'ccu egae tsincon'fa.

Génesis 18:20

Tsa'caen asi'ttaemba Na'su Chigaja su: —Sodoma canqque'su aindeccu, Gomorra canqque'su aindeccu'qque ñoa'me dyo'oe egae tsincon'fa. Tsa'caen tsincon'choma poi ande'su aindeccu in'jamba condasecco'fasi gi paña.

Génesis 19:5

qquen fundondo'e Lotma afaye ashaen'fa: —¿Mani tsu tsa dos tsandie, que tsa'onga ja'ño cose ca'ni'chondeccuja? Tise'pama somboenjan ingi tise'pai'ccu ccui'faye.

Isaías 1:9

Na'su Osha'choma Oshacho'cho Chiga ingi'su majandeccuma ccushaembiecan'da ñoa'me gi Sodoma, Gomorra canqque'su aindeqquia'caen metsse sefa'faye'can.

Oseas 11:8

Efraíndeccu: ¿Ma'caen gi quema catiya? Ju, que'i israendeccu: ¿Ma'caen gi quema antteya? ¿Osha ti gi Adma canqquema sefaenqquia'caen que'ima'qque sefaeñe? Nane ¿Osha ti gi Zeboimma tsonqquia'caen que'ima'qque tsoñe? ¡Me'in! Injama'cho tsosipie que'ima ñotsse in'jansi ña in'jan'choja ccaninga tsu.

Mateo 10:15

Ñoa'me gi que'ima su: Osefaeña'cho a'ta napijisi tsa canqquesundeccu tsu bove dyo'tsse da'faya. Nane tayopi'su Sodoma canqquesundeccu, Gomorra canqquesundeccu'qque ñoa'me egae tsincomba tsequi a'ta ñoa'me vana'faya. Tsa'ma que'ima chi'gasundeccuja tise'pama ti'tsse tsu vana'faya.

Mateo 11:24

Tsa'ma ñoa'me gi que'ima su: Injama'choma somboeña'cho a'ta napisi Sodoma canqquesundeccu tsu que'i aindeccuma bove aiye'pambi'ccoe vana'faya.

Mateo 25:41

Tsomba tsu na'suja tise pavefani ccutsu'chondeccuma suya: “Ña'ñe joqquitssipa si'nge anchanda'je'chonga tsangae ja'faja. Cocoya na'sune tisema shondosundeccune'qque tsu si'nge anchanda'je'chove tayo ñoña. Tsama Chiga que'ima'qque chi'gasi tseni japa tsangae can'jen'faja.

Lucas 17:29

Tsa'ma Lot Sodoma canqque'ye sombosi tsu si'ngeja asufrei'ccu sefaccone amppipa poiyi'ccoma oque cati.

1 Corinto'su 6:9

Toya'caen atesu'fambi ti qui Chigaja poimbe Na'suve dapa mandasi egae tsinconsundeccuja Tise osha'cho ñotssiama isu'faya'bi. Qquesa'ne ñotsse in'jan'faja. Chiga Na'suve attiansi tsandie, pushesu casarambe'yi fae'ngae can'jensundeccuja Chigani jaye osha'fambi. Ni ñoña'cho chiga'ca'me in'jan'chondeccu, ni tsa'ndu, pushe, tise'pa antte'choma catipa cca'i'ccu can'jensundeccu, ni tsandiendeccu majan cca'i tsandiei'ccu fae'ngae egae cansesundeccu Chigani jaye osha'fambi.

2 Tesalónica'su 1:7

Toya'caen que'i vanasundeccuma'qque ingi'ccu fae'ngae ño'faemba tsu tansintsse tsoña. Nane tsequi a'ta Na'su Jesús tise quin'an sefani'su shondosundeccui'ccu sefaccone attiamba tsu si'nge anchanda'je'choi'ccu jipa

2 Tesalónica'su 1:8

Chigave in'jambindeqquiama oqueya. Tsendeccuja Jesucristone ñotsse condase'choma paña'fambisi tsu tsa'caen oqueya.

2 Pedro 2:2

Tsain'bio a'i tise'pa afopoen'choma pañamba injanga canse'faya. Toya'caen in'jambindeqquia tsendeccuma attepa tansintssia Chigani jaya'chove atesian'choma egae afase'faya.

2 Pedro 2:6

Toya'caen Chigaja Sodoma canqque, Gomorra canqque'su a'i injama'choma somboeñe tise'pa canqquema cusepave'yi oque cati. Tsa'caen tsu tson jai'ngae egae tsincoña'chondeccuma canjaeñe.

2 Pedro 3:7

Toya'caen ja'ño'su sefaccoma, ja'ño'su andema'qque Chigaja afapa an'bian injama'choma somboeña'cho a'ta napisi si'ngei'ccu oque catiya'chove. Nane tsequi a'ta ega aindeccuma fi'tti catipa sefacco, andema'qque oque catiya'cho.