Juan 8:47 - Cofán: Chiga Tevaen'jen

⁴⁷ Majan Chigambe'ta tsu Chigane su'choma paña'faya. Tsa'ma que'ija Chigambembipa qui pañañe in'jan'fambi.

Juan 8:47 ပူးပေါင်းရင်းမြစ်များ

Daniel 12:10

Toya nepimbi'te tise'pama noñangiansi tsain'bio a'i osha'choi'ccu vanasundeccu tsu ñotssia giya'tssive sombo'faya. Tsa'ma egae tsinconsundeccu tsu ti'tsse egae tsincomba canse'faya. Nane egae tsinconsundeccuja Chiga ma'caen tsoña'choma atesu'faya'bi. Tsa'ma injama'pandeqquiaja tsama in'jamba atesu'faya.

Juan 12:48

Majan ñama chi'gapa ña aya'fama pañañe in'jambian'da, jin tsu tise injama'choma somboen'su. Ña aya'fa su'cho tsu osefaeña'cho a'ta tise'pa injama'choma somboeña.

Juan 18:37

Tsa'caen susi Pilatoja su: —¿Tsuin'da que ti qui ñoa'me na'su? Jesúsja su: —Que suqquia'caen, ña gi na'su. Tsaneñi isu'fa'cho gi. Nane va andenga gi ji ñoa'me su'choma a'inga atesiañe. Majan a'i ñoa'me su'choma pañamba tson'da ñama tsu paña'fa.

Juan 5:25

Ñoa'me gi su: Tayo tsu napiji paya'chondeccu Chiga Dutssi'ye aya'fama paña'faya'cho. Nane ja'ño tsu paña'jen'fa. Majan paña'da tsu canse'faya.

Juan 6:65

Tsomba su: —Tsa'camba gi su a'ija ñanga jiye osha'faya'bi ña Yaya anttembiecan'da.

Juan 8:37

Atesu gi que'ija Abraham dutssiyendeccu qui. Tsa'ma ña su'choma pañambipa qui ñama fi'ttiye in'jan'fa.

Juan 8:43

¿Micomba qui ña su'choma ñotsse paña'fambi? Nane ña su'choma pañañe in'jambipa qui paña'fambi.

Juan 8:45

Tsa'ma ñajan tansintsse afasi que'ija ñame in'jan'fambi.

1 Juan 3:10

Qquen tsu atesuya'cho majan Chiga a'ima; majan cocoya na'su a'ima'qque: Nane majan a'i ñotsse jinchombi'ta, Chigambembi tsu. Majan tise faenga'suma chi'ga'ta, tsa'qque Chigambembi tsu.

1 Juan 5:1

Majan: “Jesúsja Chiga in'jan'cho Cristo tsu” qquen in'jan'da Chiga du'shu tsu. Majan quitsama in'jan'da tsambe du'shuma'qque tsu in'jan.

2 Juan 1:9

Majan a'i Cristo atesian'choma catipa ccaningae atesian'jen'da Chiga Quitsama ñotsse atesumbi'choa tsu. Tsa'ma majan Cristo atesian'choma paña'da Chiga Quitsama, Tise Dutssi'yema'qque tsu atesucho.

3 Juan 1:11

Ña in'jan'cho, cca'ia'caen egae tsinconjama. Tsa'ma ñotssiave attepa tsa'caen tsonjan. Majan ñotsse tson'chota Chigama atesu'cho tsu. Tsa'ma majan egae tsincon'chota ñoa'me Chigama atesumbi'choa tsu.