Juan 7:37 - Cofán: Chiga Tevaen'jen

³⁷ Fiesta pasaya'cho a'ta tsu ñoa'me ti'tsse'tssia fiesta a'ta. Tsequi a'ta Jesúsja jangi ccutsupa quia'me afa: —Majan tsaqquie'su'ta ñani jipa cu'ija.

Juan 7:37 ပူးပေါင်းရင်းမြစ်များ

Nehemías 8:18

Tsa'caen bopa siete a'tave fiestaemba Na'su Chigama avujatsse afa'fa. Nane poi a'ta tsu Esdrasja Chiga tevaen'jen manda'choma camba aindeccunga condase'je. Octavo a'ta nepisi manda'cho mandaqquia'caen ccase bopa tisupa injama'choni Chigama ñotsse in'jamba tisema iñajan'fa.

Isaías 40:2

Jerusalénma'qque mende'yepa ñotsse afa'faja. Nane tisenga conda'faja tisupa vana'jen'choma tayo pasa'chone. Tayo tsu tise egae tsincon'chone afepoen'choma isu'fa. Nane Na'su Chiga tive'suma dos se afepoenqquia'cantsse vana'choi'ccu isu'fa.”

Isaías 40:6

Aya'faja “¡Fundoja!” qquen susi gi ñajan iñajampaña: “¿Jongoesu qquen gi fundoya?” “Poiyi'cco a'i tsu shoshoviacan'fa. Nane te'ta'caen ta'etssimbi tsu.

Isaías 55:1

“¡Poiyi'cco majan qquipoe'su'ta jipa tsa'ccuma cu'i'faja!” Majan corifin'di me'cho'ta jipa afepoembe'yi trigoma isupa an'faja. Nane vino, chochoma'qque chavambe'yi cu'i'faja.

Isaías 55:3

Ñani jipa ñama paña'faja. Ñama pañamba canse'faja. Nane tsangae injancco'fa'chove gi que'i'ccu afapa tson'jeña ña tayopi'su David'yenga ñotsse in'jamba afa'cho cuintsu ja'ño nepiye.

Mateo 11:28

Ñani ji'faja poiyi'cco que'i majan semamba vanasundeccu. Ñani jisi gi que'ima ño'faeña.

Mateo 3:3

Juane tsu tayopi'su Chiga Aya'fama afa'su Isaíasja conda. Qquen tsu Isaías tayopi tevaen: A'i aya'fama qui paña'faya a'i menia'ñe qquen fundo'je'choma: “Na'su jiya'chove ñoña'faja. Tise tsaiquima tansianqquia'caen que'i injama'choma tansian'faja.”

Mateo 5:6

Que'i majan qquipoe'supa toya'caen tsaqquie'supa ttepuye in'janqquia'caen ño'ame daye in'jan'da ñoa'me qui avujatssi'fa. Chiga tsu que'ima ño'ame tsoña.

Juan 1:23

Tsonsi Juanjan Chiga Aya'fama afa'su Isaías tayopi suqquia'caen su: —Ña gi chundundu'a'ye fundondo'e afa'su: “Ji'je'choma ñoña'faja na'sune.”

Juan 14:6

Jesúsja Tomásnga su: —Ña'ñe qui qque'faya'bi. Ña'ñe qui tansintsse atesu'faya. Ña'ñe qui ñoa'me canse'faya. Tsa'ma majan ñama pañambi'ta Chiga Quitsanga catse'faya'bi.

Juan 4:10

Tsa'caen susi Jesúsja su: —Queja Chiga afe'chove in'jan'choecan'da, majan quema tsa'ccuve iñajan'chove in'jan'choecan'da, ñoa'me qui ñama tsa'ccuve iñajañe'can. Iñajan'choecan'da gi cansiaña'cho tsa'ccuma afeye'can.

Juan 4:11

Pushesuja su: —Na'su, queja jongoesui'ccu ichhoiye mechota ¿ma'caen qui cansiaña'cho tsa'ccumanda afeya? Tsa'ccu poso'qque tso'sio tsu.

Juan 4:14

Tsa'ma majan ña cui'ña'cho tsa'ccuma cu'i'ta minga'ni'qque tsu tsaqquie'su'faya'bi. Ña cui'ña'cho tsa'ccuta tsu tisenga sombopa oshaqquia'caen tsangae canseya'chove cansiaña.

Juan 5:40

Tsa'ma tsa'caen tsangae canseye in'jan'ma qui ñama chi'ga'fa.

Juan 6:35

Tsonsi Jesúsja su: —Ña gi cansiaña'cho pan. Majan ñani ji'chota tsu qquipoe'suya'bi. Majan ñame in'jan'chota minga'ni'qque tsaqquie'suya'bi.

Juan 6:37

Poiyi'cco ña Yaya ñanga afe'cho a'ija ñanga tsu ji'faya. Ñanga ji'chomajan tteyaya'bi gi.

Juan 6:55

Ña ai'vo tsu ñoa'me aña'cho. Ña anjampa tsu ñoa'me cui'ya'cho.

Juan 7:28

Jesúsja Chiga ettini atesian'jemba a'i condase'je'choma pañamba quia'me afapa su: —Que'ija ñama atesupa ña mane ji'chove'qque atesu'fa qquen qui in'jan'fa. Tsa'ma tisuyi'ta jimbi gi. Ñama moen'suta tsu ñoa'me tansintsse afa'su. Tsama qui atesu'fambi.

1 Corinto'su 10:21

Osha'fambi qui Na'su Jesús mandapa afe'cho cui'ccuma cu'ipa tse'faei'ccuyi cocoya cui'ccuma'qque cu'i'ye. Na'su Jesús an'jen'choma amba tse'faei'ccuyi cocoya an'jen'choma'qque añe osha'fambi qui.

1 Corinto'su 10:4

Poiyi'cco tsu fae'ngae Chiga afe'cho tsa'ccuma'qque cu'i'fa. Chiga agattoen'cho patu tise'pa sepaccofae jiñasi tsa'ye tsa'ccu sombosi tsu cu'i'fa. Tsa patuja Cristo tsu.

1 Corinto'su 11:25

Tsa'caeñi tsu an nanimba tasama'qque isupa su: “Ña anjampa que'ine tssansi tsu va tasaja Chiga quei'ccu cuname fae'ngae injancco'fa'chone canjaeña. Minga'ni va tasama cui'je'ta ñama injan'jen'faja.”

1 Corinto'su 12:13

Nane fae Chiga Qquendya'pa tsu ingima feti fae ai'vove da'faye. Majan israendeccu, majan israembindeqquia, majan patrónpa, majan patrónme mendeqquia, fae ai'vove gi da'fa. Nane fae Chiga Qquendya'pa ingima in'jaensi gi poiyi'cco Tisema tteppuqquia'caen isu'fa.

Efeso'su 5:18

In'dutssiai'ccu ccusipa'fajama. Tsa'caen tsomba tsu qque'faya'cho. Tsa'ma Chiga Qquendya'panga injaenge'faja.

Canjaen'cho 21:6

Omboe tsu ccase su: —Tayo tsu nani. Ña gi Ashaen'su. Ña gi Nani'su. Majan tsaqquie'su'ninda gi corifin'dive iñajambe'yi cansiaña'cho tsa'ccu sombo'je'choma cui'ñaña.

Canjaen'cho 22:1

Tsonsi sefacconi'su shondo'suja na'ema ñanga canjaen. Tsaja cansiaña'cho tsa'ccu tsu. Canccoa'caen veyaratssia've tsu ai'je. Chiga dyaipa'cho'ye, tsa Oveja dyaipa'cho'ye sombopa

Canjaen'cho 22:17

Chiga Qquendya'pa, Ovejambe pushe'qque tsu su'fa: —¡Jija! Poiyi'cco pañasundeccu'qque tsu su'fa: —¡Jija! Nane poiyi'cco majan tsa'qquie'su'ta tsu jiya'cho. Majan in'jan'da tsu Cansiaña'cho Tsa'ccuma cu'iya'cho. Aqquia afe'cho tsu.