Juan 6:65 - Cofán: Chiga Tevaen'jen

⁶⁵ Tsomba su: —Tsa'camba gi su a'ija ñanga jiye osha'faya'bi ña Yaya anttembiecan'da.

Juan 6:65 ပူးပေါင်းရင်းမြစ်များ

Mateo 13:11

Tiseja su: —Tayoe ma'caen Chigama na'sian'cho aindeccuve dapa canse'faya'chone Chigaja condambi. Ja'ño tsu que'inga pañaeñe in'jan. Tsa'ma toya tsu cca'indeccuja pañañe osha'fambi.

Juan 10:16

Toya'caen gi an'bian faesu oveja va ttuccu'sumbi'choa'ma. Tsendeccuma'qque gi ttu'seya'cho. Tise'paja ñama paña'faya tsu. Tsomba tsu fae naccuyi jincho'faya fae coira'sui'ccuyi.

Juan 3:27

Qquen susi Juanjan su: —Chiga Quitsa anttembian'da ¿ma'caen tsu a'ija osha'faya?

Juan 6:37

Poiyi'cco ña Yaya ñanga afe'cho a'ija ñanga tsu ji'faya. Ñanga ji'chomajan tteyaya'bi gi.

Filipo'su 1:29

Chigaja tayo antte que'i Cristove in'jamba canse'faye. Tsa'ma toya'caen tsu antte que'ija Cristone vana'jemba Tiseja ti'tsse'tssia qquen canjaen'faye.

1 Timoteoga 1:14

Nane tsa'caen ñama mende'yepa tsu ingi Na'suja ñama ñoa'me ñotsse tson. Tsa'caen ñotsse tsonsi Cristo Jesúsi'ccu jinchopa gi Cristove in'jan. Nane Cristove in'jamba gi tisema ñoa'me ñotsse in'jamba canse.

2 Timoteoga 2:25

Cca'indeccu tisema pañañe in'jambi'ni'qque ñotsse vasuitsse tsendeccuma nafattiaña'cho. Tsa'caen nafattiamba tsu Chiga tsendeccumbe injama'choma ñoñaña qquen in'jamba ron'daya'cho. Nane Chiga tsendeccumbe injama'choma ñoñasi tansintsse su'choma in'jamba

Hebreo'su 12:2

Nane Jesúsja ingima tsu canjaen ma'caen canse'faye. Tise can'jen'chove in'jamba gi ma'de'faya'cho. Nane tiseja ingima ccushaemba ingima atesian'su tsu. Tiseja in'jangae tsincon'sia'caen avuja'cconga pa. Tsa'ma ansangembe'yi tsa'caen pa ingima ccushaeñe. Jai'ngae ingi'ccu avujatssiya qquen in'jamba tsu tsa'caen vana. Vanamba papa Chiga sefacconi japa na'suve dapa Chiga tansinfani dyaipa manda'je.