Juan 6:38 - Cofán: Chiga Tevaen'jen

³⁸ Ñajan sefaccone jimbi gi tisu in'jan'chove tsoñe. Tsa'ma ñama moen'su in'jan'chove tsoñe gi ji.

Juan 6:38 ပူးပေါင်းရင်းမြစ်များ

Isaías 53:10

Nane Na'suja in'jamba tsu tisema dañomba vanae. Egae tsincon'chone afe'chove tisema tson'ni'qque can'jemba jai'ngae tise dutssiyendeccuma atteya. Nane Na'suja tisei'ccu tisu in'jan'choma ñotsse nanitsse tsoña.

Mateo 20:28

Tsa'caen ñajan, Sefaccone Ji'cho A'ita gi faesuma mandaye jimbi. Nane faesuma fuiteye gi ji. Tisuma afepa poimbe shacama afepoeñe gi ji ccushaya'chone.

Juan 3:13

Majañi'qque sefacconi ansundepa andepa conda'fambi. Tsa'ma Sefaccone Ji'cho A'i gi andenga ande'cho condaye osha.

Juan 3:17

Nane Chigaja Tise Dutssi'yema moembi cuintsu a'i injama'choma somboeñe. Tsa'ma poiyi'cco a'ima ccushaeñe tsu tisema moen.

Juan 3:31

Sefaccone ji'cho tsu poiyi'ccoma ti'tsse joccapitssia. Nane majan va ande'suja andeni jincho'cho tsu. Andeni jinqque'suve tsu afa. Tsa'ma sefaccone ji'cho tsu poiyi'ccoma ti'tsse joccapitssia.

Juan 4:34

Tsa'ma Jesúsja inginga su: —Ñama moen'su in'jan'choma naniñangae tsoñe tsu ñama quiñaeña panma anqquia'caen.

Juan 5:19

Tsonsi Jesúsja tise'panga su: —Nane ñoa'me gi su: Tisuyi'ta gi Chiga Dutssi'ye'qque oshambi. Tsa'ma tisu Yaya tson'jensi attepa gi osha. Osha'choma tisu Yaya tson'jen'choma gi ña'qque tson'jen.

Juan 5:30

Tisuyi'ta gi tsoñe oshambi. Tsa'ma ñama mandaqquia'caen gi tansintsse afa'je. Nane tansintsse in'jamba gi tansintsse afa'je. Ña in'jan'chove in'jambipa ñama moen'su Chiga Quitsa in'jan'chove gi in'jan.

Juan 6:29

Tsonsi Jesúsja su: —Chigaja in'jan cuintsu que'i Tise moen'cho a'ive in'jan'faye.

Juan 6:33

Chiga sefaccone afe'cho pan tsu a'i –Chiga sefaccone ande'cho. Tsaja poi a'ima qquendyaen'su.

Juan 6:42

Qquen tsu su'fa: —¿Vata ti Jesús? ¿José dutssi'yembi ti? Tise yayama, tise mamama gi atesu'fa. ¿Ma'caen tsu tiseja sefaccone ande'cho qquenjan su?

Juan 6:57

Ña Yaya ñama moen'su'ta tsu tsangae canse'cho. Tise'ye gi ñajan canse. Tsa'caeñi tsu ñama an'cho'ta ña'ñe canse'faya.

Romanos 15:3

Cristo'qque tisu in'jan'chove tsombi. Tsa'ma Chiga Tevaen'jen suqquia'caen tiseja qquen afa: “Chiga Quitsa, cca'indeccuja quema chi'gapa ñama tsu afase'fa.”

Efeso'su 4:9

“Sefacconi ansunde” qquen su'chota tsu o'tie ande'chone conda. Nane Jesucristo bove'ccoe dapa ande tsosini tayo ande qquen tsu suye in'jan.

Hebreo'su 5:8

Nane Jesúsja Chiga Dutssi'ye'a'qque toya tsa'caen vana, pa'tssi Chiga in'jan'chove pañamba tsoña'chove atesuye.