Juan 21:17 - Cofán: Chiga Tevaen'jen

¹⁷ Tsomba ccase, tercera se iñajampaña: —Simón, Jonás dutssi'ye, ¿aqquia ti qui ñama in'jan? Pedroja ñombi'ye, ja'ño tres se iñajampaña'ba “¿Aqquia ti qui ñama in'jan?” qquen iñajampañasi. Ñombi'yepa su: —Na'su, que qui pa'ccoma atesucho. Que qui atesu ña quema in'jan'choma. Tsonsi Jesúsja su: —Tsa'caenda ña a'ima atesianjan ovejama'caen.

Juan 21:17 ပူးပေါင်းရင်းမြစ်များ

Mateo 25:40

Qquen iñajampañasi na'su tsu suya: “Ñoa'me gi su: Osha'cho jongoesuve qui va ñame in'jamba utu'ccoandeqquianga ñotsse tson'da qui ñanga'qque tson.”

Marcos 14:72

Tse'faei'ccuyi arapa gayo ccase se'yo. Se'yosi Pedroja Jesús su'choma in'jan: “Toya arapa dos se se'yombi'te tres se qui ñane a'tieña.” Tsama in'jamba Pedroja i'na.

Juan 12:8

Mendeqquia'ja tsangae quei'ccu can'jen'faya. Tsa'ma ñajan quei'ccu tsangae can'jeña'bi.

Juan 13:38

Tsa'ma Jesúsja tisenga su: —¿Ñoa'me ti qui ñai'ccu fae'ngae paye dyojombi? Ñoa'me gi su, arapa gayo toya se'yombi'te tres se qui ñama atesumbi qquen a'tieña.

Juan 14:15

Ñama ñoa'me in'jan'da ña manda'choma pañamba canse'faja.

Juan 15:10

Ñajan ña Yaya manda'choma pañamba tsomba gi Tise in'jan'cho. Tsa'caen que'i'qque ña manda'choma pañamba tson'da qui ña in'jan'chondeccu.

Juan 16:30

Ñoa'me gi ja'ño atesu'fa queja osha'choma atesucho. Nane a'i asi'ttaen'choma'qque atesupa condase'ninda ¿ma'caen tsu a'ija iñajampaña'faya? Que tsa'caen pa'ccoma atesusi gi in'jan'fa queja Chiga Quitsane ji'cho.

Juan 18:27

Pedro ccase a'tiensi tse'faei'ccuyi arapa gayoja se'yo.

Juan 18:4

Tsa'caen ji'fasi Jesúsja tisema indiye ji'fa'chove atesupa sombopa iñajampaña: —¿Majame qui ttatta'je'fa?

Juan 21:18

Nane ñoa'me gi su, que chuiteja tisu qui ondiccupa mani jaye in'jan'da ja. Tsa'ma coenza ccashe'yeve da'ta qui que tivema yasasi faesu tsu quema ondiqquiamba que jaye in'jambinia angaya.

Juan 4:16

Jesúsja su: —Japa ttusengaja que tsa'nduma. Tsomba vani ji'faja.

Tson'fa'cho 1:24

Ccutsiamba Chigama iñajamba su'fa: —Na'su Chiga Quitsa, que qui atesu poi a'i injama'choma. Inginga canjaenjan majan va dos tsandie tsu que in'jan'cho.

Tson'fa'cho 11:10

Tres se tsa'caen ñanga attiamba tsu pa'cco sarupa toequi sefacconi ansunde.

Tson'fa'cho 15:8

Toya'caen Chiga Quitsaja a'i injama'choma atesupa tsendeccuma in'jamba poiyi'cconga tsama canjaen. Nane Tise Qquendya'pa ingima in'jaenqquia'caeñi tsendeccuma'qque in'jaensi tsu tsa'caen canjaen.

2 Corinto'su 1:12

Qquen in'jamba gi dyombi'tsse su: Injama'cho tsosipie gi in'jan'fa ñotsse gi tson'jen'fa va andeni can'jemba. Nane Chiga caña'jensi gi Tise in'janqquia'caen in'jamba tansintsse canse'fa. Va ande'su a'i ñotsse in'jan'cho angacambisi tsu Chiga ingima fuitepa angacansi gi ñotsse tson'fa. Nane ñoa'me que'i'ccu can'jensi Chiga ingima angacansi gi tsa'caen canse'fa.

Efeso'su 4:30

Egae canse'fajama Chiga Qquendya'pa ingine ñombi'yesa'ne. Nane ingija Cristove in'jansi Chiga Qquendya'pa ingima angacan'su tsu. Ingima qqueñambe'yi angacañe tsu in'jan ccushaeña'cho a'ta napiya'ngae.

1 Pedro 1:6

Tsa'camba qui que'ija avujatssi'fa. Tsa'ma ja'ñojan re'riccone qui tsain'bitsse vana'faya'cho Chiga tsa'caen in'jan'ninda.

2 Pedro 3:1

Ña in'jan'chondeccu, ja'ñoi'ccu dos se gi que'inga tevaen. Poiyi'jenga gi candusian'jen que'ima in'jaeñe in'jamba.

Canjaen'cho 2:23

Toya'caen Jezabel dushundeccuma gi fi'ttiya. Tsa'caen tsonsi poiyi'cco ñame in'jamba bo'fa'chondeccu tsu ti'tsse ñane in'jan'faya. Nane ñajan a'i injama'cho tsosipie in'jan'choma injan'su qquen tsu in'jan'faya. Ñajan tsa'caen pa'tssima in'jamba gi tise'pa ma'caen tsonqquia'caen tise'panga afepoemba vanaeña.

Canjaen'cho 3:19

Poiyi'cco majama ña ñotsse in'jan'da tsendeccuma gi iyu'upa candusian. Tsa'cansi ñama ñotsse pañamba que egae tsincon'choma catija.