Juan 19:31 - Cofán: Chiga Tevaen'jen

³¹ Chiga panshaen'cho injienge'cho a'ta pan napijisi israendeccuja in'jan'fambi cuintsu sema'ma'qquia a'ta avuja'cconi ai'vo duse'faye. Nane tsa sema'ma'qquia a'ta tsu ñoa'me ti'tsse'tssia. Tsa'cansi Pilatoma su'fa cuintsu mandaye avuja'cconi duse'fa'chombe ttena'goma ucca'shoye cuintsu junde paye; ucca'shopa ai'voma'qque andian catiye.

Juan 19:31 ပူးပေါင်းရင်းမြစ်များ

Éxodo 12:16

Toya'caen aishe a'ta, septimo a'ta'qque tsu poiyi'cco a'i Chiganga bo'faya'cho. Tsequi a'taja sema'ma'quia a'ta tsu. Nane jo'su que'i anqque'suveyi tsu ñoñamba faesuve ti'tsse sema'masia.

Mateo 27:62

Ccaqui a'ta, Chiga panshaen'cho injienge'cho ñoña'cho a'ta pasasi, Chigama afa'su nasundeccu, fariseondeccu'qque Pilatonga japa

Marcos 15:42

Tsonsi tayo sime dasi tsa a'ta pa'ccoma ñoñaña'cho a'ta, sema'ma'qquia a'tave napijisi

Juan 19:1

Tsonsi Pilato mandasi Jesúsma ma'ppi'fa.

Juan 19:14

Chiga tansinjinni tsu, Chiga panshaen'cho injienge'cho fiestama ñoñaña'cho a'ta. Tsa'cansi Pilatoja israendeccunga su: —¡Va'tti qui an'bian'fa que'i na'suma!

Juan 19:42

Tsa atu'ttija pporotssisi tsanga Jesús ai'voma angapa ccuiña'fa tayo sema'ma'qquia a'ta napijisi.

Josué 8:29

Josuéja Hai canqque'su na'suma cose'tsse quini'cconga tandan dusiamba fi'tti. Sime tayo chiga amppisi manda cuintsu tsa ai'voma andiamba canqque'su sombo'tti jin'ttinga ttova cati'faye, toya'caen tise ombanga cuintsu tsain'bitssi patuve boña'faye. Tsa'qque tsu ja'ño a'tapan toya jincho.