Juan 18:32 - Cofán: Chiga Tevaen'jen

³² Tsa'caen tsu su'fa Jesús suqquia'caen tsoñe. Nane Jesúsja tayoe su tiseja avuja'cconga paya'cho.

Juan 18:32 ပူးပေါင်းရင်းမြစ်များ

Salmos 22:16

Ain shoquendi'e catseqquia'caen tsu ega aindeccuja ñama ttu'fa. Nane ttupa tsu ña tive, tsu'ttema'qque canshaen'fa.

Mateo 20:19

Fi'ttiye mandapa tsu israembindeqquianga ñama afe'faya. Tsendeccu ñama afasepa ma'ppi'faya. Ma'ppipa ñama avuja'cconga otipa fi'tti'faya. Papa tres a'tangae gi ccase qquendyaya.

Mateo 26:2

—Que'i atesuqquia'caen dos a'ta tsu shaca Chiga panshaensi injienge'cho fiestama panshaeñe. Fiestama panshaen'jen'qui aindeccuja Sefaccone Ji'cho A'ima indipa afe'faya avuja'cconga otipa fi'ttiye.

Marcos 10:33

Qquen tsu su: —Que can'faja. Jerusaléni gi jayi'fa. Tseni japa gi Sefaccone Ji'cho A'i indiyepa afeyeya Chigama afa'su nasundeccunga, Chiga manda'choma atesiansundeccunga. Tsendeccu tsu ñama fi'tti'faye mandapa israembindeqquianga ñama afe'faya.

Juan 10:31

Tse'i israendeccuja ccase patuma isu'fa tisema ttovaye.

Juan 10:33

Israendeccuja su'fa: —Ñotsse tson'chone'da gi patui'ccu ttovaye tson'jen'fambi. Tsa'ma queja Chigane egae afasi gi quema ttovaye in'jan'fa. Queja aqquia a'ita ¿“Chigave gi da” qquen ti qui in'jan?

Juan 13:18

Que'i poiyi'ccone'da afa'jembi gi. Nane ña in'jamba ttu'se'chondeccu injama'choma gi atesu. Tsa'ma Chiga Tevaen'jen suqquia'caen tsu junde tsoña: “Ñai'ccu fae'ngae an'su tsu ñama chi'gapa afeya.”

Juan 18:31

Tsonsi Pilatoja su: —Que'iyi angapa que'i manda'cho mandaqquia'caen tise injama'choma somboen'faja. Tsa'ma israendeccuja su'fa: —Romano nasundeccu se'pisi ingi israe'su nasundeccuja majameñi'qque fi'ttiye mandaye osha'fambi.

Juan 21:19

Tsa'caen supa Jesúsja condaye in'jan ma'caen Pedro pa'ta poiyi'cco a'inga canjaeñe Chigaja ti'tsse'tssiave. Tsomba Jesúsja su: —Ñai'ccu jija.

Juan 3:14

Moisés a'i menia can'jemba ñoña'cho iyoma jangianqquia'caen Sefaccone Ji'cho A'ima jangiaña'cho

Juan 8:28

Tsa'cansi Jesúsja su: —Que'ija ñama avuja'cconga jangiamba qui atesu'faya ñajan Sefaccone Ji'cho A'ive. Atesu'faya qui ñajan tisuyi tsa'caen tsincombi'choa'ma'qque. Tsa'ma ña Yaya ñama moen'su ñai'ccu can'jensi gi ñajan Tise atesian'choma conda. Nane ña Yayaja ñama tisuveyi catimbe ñai'ccu can'jen, ña Tise in'janqquia'caen tson'jensi.

Tson'fa'cho 7:59

Toya patui'ccu tsa'caen ttovaccoen'jen'fani Estebanjan Chigama iñajamba su: —Na'su, Jesús, isuja ña qquendya'pama.

Galacia'su 3:13

Majañi'qque naniñe oshaya'bipa poiyi'cco tsu Chigane shacapapa catiye'faya'cho. Tsa'ma Cristoja tsa shacama tisunga isu, Chiga Tevaen'jen suqquia'caen, “Quini'cconga dusiamba fi'tti'cho a'ita tsu catiya'cho.”

Deuteronomio 21:23

antte'fajama pa'chombe ai'vo tsequi cose tsani duseye. Nane tsequi a'tayi tsu a'tuya'cho, Na'su, que'i Chiga, que'inga afepa an'biaña'cho andema dañosa'ne. Nane poiyi'cco majan quini'cconi duse'fa'choja, Chiga iyicca'yesi tsangae catiye'cho tsu.