Juan 12:40 - Cofán: Chiga Tevaen'jen

⁴⁰ Chigaja tise'pa tso'fema picco ñotsse atte'fasa'ne. Tise'pa injama'choma'qque ta'etsse piccoqquia'caen se'pi ñotsse in'jan'fasa'ne. Tsa'cansi ñanga ji'faya'bi ccushaye.

Juan 12:40 ပူးပေါင်းရင်းမြစ်များ

Éxodo 10:1

Tsa'caen tson pasapa Na'su Chigaja Moisésnga su: —Japa faraónma can'gaja. Nane ña gi tson cuintsu tise toya'caen tisema shondosundeccu'qque iyicca'yepa se'pisi tise'panga osha'cho ña oshacho'choma canjaeñe.

Éxodo 11:10

Moisés toya'caen Aarón osha'cho canjaen'choma faraónga tsa'caen canjaen'fa'ni'qque Na'su Chiga tisema in'jaensi iyicca'yepa se'pipa israendeccu Egipto ande'ye somboya'chove anttembi.

Éxodo 14:17

Nane ña gi in'jaeña cuintsu egiptondeccu ñoa'me iyicca'yepa que'ima marnga'qque mandian'faye. Tsonsi gi ña oshacho'choma faraón, pa'cco tise sundarondeccu toya'caen tise'pa caro, cavayoma'qque sefaemba canjaeña.

Éxodo 14:4

Tsa'ma ña gi faraónma in'jaeña cuintsu iyicca'yepa que'ima mandiañe. Tsonsi gi ña oshacho'choma tisei'ccu toya'caen tise sundarondeccui'ccu canjaeña. Tse'i tsu egiptondeccuja ñamajan Na'su Chiga qquen in'jan'faya.” Tsama pañamba israendeccuja tsa'caen tson'fa.

Éxodo 14:8

Tsa'caen Na'su Chiga in'jaensi tsu faraónjan iyicca'yepa israendeccuma mandian. Mapán Na'su Chiga tisu oshacho'choi'ccu israendeccuma somboe'ni'qque tsu faraónjan toya iyicca'yepa mandian.

Éxodo 4:21

Omboe Na'su Chigaja ccase Moisésma su: —Egiptoni nepi'ta ñotsse in'jamba ña quenga canjaen'choma faraónga canjaenjan. Tsa'ma ña gi tise injama'choma ta'etsse tsoña cuintsu israendeccu somboye anttembe cañe.

Éxodo 7:13

Tsa'caen tsonsi attepa faraónjan iyicca'yepa ñoa'me se'pipa tise'pa su'choma pañañe in'jambi, Na'su Chiga ma'caen suqquia'caen.

Éxodo 9:12

Tsa'ma Na'su Chiga faraónma in'jaensi iyicca'yepa se'pipa Moisés toya'caen Aarón su'choma pañambi ma'caen Moisésnga Na'su Chiga suqquia'caen.

Isaías 53:5

Tsa'ma ingi pañambipa in'jangae tsincomba gi tisema quiqquian'fa. Ingi egae tsincon'chone tsu tisema vanae. Tsa'caen tise vana'jensi ingija opatsse canse'fa. Ma'ppisi tise iñacca'cho tsu ingima ccushaen.

Isaías 6:10

Nane va aindeccuma tsonjan cuintsu injama'cho shacasi tombu'faye injama'choi'ccu ñame in'jamba ccushaengesa'ne. Nane tise'pa tsonsinama'qque piccoja paña'fasa'ne. Tso'fema'qque tsapija atte'fasa'ne.”

Isaías 6:9

Tsa'caen susi tiseja su: “Japa va aindeccunga qquen suja: ‘Ñoa'me tsonsinai'ccu paña'ma qui in'jan'faya'bi. Ñoa'me tso'fei'ccu atte'ma qui in'jan'faya'bi.’

Oseas 6:1

Jinge poiyi'cco shandapa ccase Na'sunga ja'faye. Tiseja ingima daño'an'qque ccushaeña. Ingima iñaccaen'an'qque se'jeya.

Mateo 15:14

Tsa'cansi fariseondeccu iyicca'ye'choma in'jan'fajama. Nane tise'paja binindeqquia'caen atesumbipa faesu atesumbi'chondeqquiama atesian qquen tson'fa. Fae bini faesu binima fendepa angacan'da poiyi'cco tsu fae'ngae ande changonga amppi'faya.

Marcos 4:12

Nane tsendeccuja can'ma atte'fambi. Paña'ma in'jan'fambi. Tsa'cansi gi condase'choi'ccu tise'pama atesian'jen. Tsa'ma ñame in'jan'ma ccusha'faya'bi. Nane Chiga'qque tise'pa egae tsincon'choma joqquitssiaña'bi.

Marcos 6:52

Nane panma agattoen'choma toya injiengembipa dyo'fa, tise'pa injama'cho shacasi.

Lucas 4:18

Chiga Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Ñama manda cuintsu binindeccu atte'faye. Ña gi noñangiañesundeccuma ccushaeña.

Lucas 8:10

Jesúsja qquen su: —Tayoe ma'caen Chiga aindeccuve dapa canse'faya'chone Chigaja condambi. Tsa'ma ja'ño que'inga pañaeñe in'jan. Cca'indeccungaja aqquia condase'choi'ccu condaseya'cho cuintsu atte'ma atesu'fambiye; cuintsu paña'ma in'jan'fambiye.

Juan 12:39

Nane pañañe osha'fambi Isaías qquen tevaenqquia'caen:

Juan 9:39

Tse'i Jesúsja su: —Ñanda gi ji va ande'su a'i injama'choma somboeñe cuintsu majan binia'can'jan atte'faye: majan atte'je'choja binia'caen atesumbitsse da'faye.

Tson'fa'cho 15:3

Antioquía'su Jesúsve in'jamba bo'je'chondeccu tsa'caen mandamoen'fasi Fenicia ande, Samaria andengae jayipa poiyi'cconga conda'fa ma'caen israembindeqquia'qque Chiga Aya'fama pañamba in'jan'fa'choma. Tsa'caen conda'fasi poiyi'cco faenga'su Jesúsve in'jan'chondeccu avuja'fa.

Tson'fa'cho 28:26

Va aindeccunga japa qquen condaja: Que'ija ñoa'me paña'ma qui in'jan'faya'bi; Canjan'jen'ma qui atte'faya'bi.

Tson'fa'cho 3:19

Tsa'cansi que'i egae tsincon'choma anttepa Chiga Quitsanga ji'faja cuintsu Tise que'i egae tsincon'choma ccuchaye. Tsa'caen ccuchapa Na'su Chiga tsu que'i injama'choma ño'faeña.

Romanos 9:18

Chigaja tsa'caen majama mende'yeye in'jan'da mende'ye. Tsa'ma majama se'pi'suve tsoñe in'jan'da tsa'caen tsu Tiseja tsa a'ima manda antte.