Juan 12:32 - Cofán: Chiga Tevaen'jen

³² Toya'caen ñama avuja'cconga jangian'fasi gi poiyi'cco a'ima in'jaeña cuintsu ñanga ji'faye.

Juan 12:32 ပူးပေါင်းရင်းမြစ်များ

Isaías 11:10

Banderama jangiansi a'i tsanga boqquia'caen tsu tsequi a'ta va Isaí setsa'cho'su shoyo'cho attiansi poiyi'cco a'i tisenga bo'faya. Nane poi ande'su aindeccu tsu tise've tta'tta'faya. Tise can'jeña'ttija tise a'tatssiai'ccu ñoa'me ñotssiya.

Oseas 11:4

Tise'pama ñotsse in'jamba gi angacan. Nane osha'cho ñotssiave gi tson cuintsu tise'pa ñame in'jan'faye. Du'shu changa catsesi puntssamba chochoenqquia'caen gi tise'pama coira'je.

Números 21:9

Moisésja Chiga mandaqquia'caen cu'a yoshavama iyove ñoñamba quini'cconga ottaemba dyaiña. Tsa'caen dyaiñasi tsu majan iyonga sinttuyepa tsa ñoña'cho iyoma can'da ccusha'je'fa.

Juan 1:7

Juanjan condaseye ji chanjien'sune. Qquen tsu condaseye ji cuintsu poiyi'cco a'i tise su'choma pañamba chanjien'suve in'jan'faye.

Juan 12:34

Tsonsi a'ija su'fa: —Paña'fa gi Chiga manda'cho tevaen'jen qquen su'choma: “Cristoja tsangae can'jeña.” Tsa'camanda ¿ma'caen qui queja su: “Sefaccone Ji'chomajan jangiaña'cho tsu”? ¿Va Sefaccone Ji'cho A'ita ti Cristombi?

Juan 18:32

Tsa'caen tsu su'fa Jesús suqquia'caen tsoñe. Nane Jesúsja tayoe su tiseja avuja'cconga paya'cho.

Juan 19:17

Mandasi Jesúsja tise avuja'ccoma opipa Gólgota ccotta'cconga ja. Tsa'caen inisecho'cho hevreo aya'fangae, “tsove tsu'tta” qquen su'cho.

Juan 3:14

Moisés a'i menia can'jemba ñoña'cho iyoma jangianqquia'caen Sefaccone Ji'cho A'ima jangiaña'cho

Juan 6:44

Chiga Quitsa, ñama moen'su, a'ima ñanga moembiecan'da ñanga jiye osha'faya'bi. Tsa'ma Chiga tsendeccuma moensi gi tise'pama ccase qquendyaeña osefaeña'cho a'ta napisi.

Juan 8:28

Tsa'cansi Jesúsja su: —Que'ija ñama avuja'cconga jangiamba qui atesu'faya ñajan Sefaccone Ji'cho A'ive. Atesu'faya qui ñajan tisuyi tsa'caen tsincombi'choa'ma'qque. Tsa'ma ña Yaya ñama moen'su ñai'ccu can'jensi gi ñajan Tise atesian'choma conda. Nane ña Yayaja ñama tisuveyi catimbe ñai'ccu can'jen, ña Tise in'janqquia'caen tson'jensi.

Galacia'su 3:13

Majañi'qque naniñe oshaya'bipa poiyi'cco tsu Chigane shacapapa catiye'faya'cho. Tsa'ma Cristoja tsa shacama tisunga isu, Chiga Tevaen'jen suqquia'caen, “Quini'cconga dusiamba fi'tti'cho a'ita tsu catiya'cho.”

1 Timoteoga 2:6

Aindeccuma ccushaeñe afepoenqquia'caen Jesúsja tisuma afe. Tisuma afesi tsu Chigaja ja'ño in'jamba poiyi'cco aindeccunga va ccushaen'choma canjaen.

Hebreo'su 2:9

Manda'je'fambi'a'qque gi in'jan'fa Jesúsma. Nane Jesúsja sefaccone jipa re'riccone Chigama sefacconi'su shondosundeccuma utu'ccoa've dapa paqque'su a'ive da. Chiga a'ima in'jamba mandasi Tiseja poi a'i egae tsincon'choma joqquitssiañe pa. Tsa'caen pasi tsu Tisenga otifaenqquia'caen ñotsse afapa joccapitssia Na'suve tson.

1 Pedro 2:24

Jesucristoyi tsu tise ai'vonga ingi egae jincho'choma isupa anga avuja'cconga. Tsa'cansi gi egae tsincon'cho'ye tayo papa ñotsse canse'fa. Tiseja iñacca que'ima ccushaeñe.

1 Pedro 3:18

Jesucristoyi tsu ingi egae jincho'chone vanamba pa. Fae seyi tsu pa poiyi'cco a'ine. Tiseja ño'amba ingi ño'ambindeqquiane pa ingima Chiganga catsiañe. Nane tise ai'vo pa'ni'qque tise qquendya'paja toya canse.

1 Juan 2:2

Tsaja ingi egae tsincon'cho shacama afepoen'su. Aqquia ingiveyi me'i, tsa'ma poi biani'su ande'su a'i egae tsincon'cho shacama'qque afepoen'su tsu Jesucristoja.

Canjaen'cho 5:9

Amppi ccuipa tsu cuna settapoen'choma qquen settapoen'fa: Que qui ñotssia findi'cho tevaen'jema isuye; isupa ancaen'cho tuñoma battiañe. Nane quema fi'tti'fasi qui que anjampai'ccu a'ima chavasi tsu Chigambeve da'fa. Tsa'camba qui tevaen'jema fettaye osha. Nane poi a'i, poi aya'fa'su, poi ande'su, poi na'su manda'su a'ima qui chava cuintsu ingija fae Chiga aindeccuve dapa