Josué 9:10 - Cofán: Chiga Tevaen'jen

¹⁰ toya'caen tsa Jordán na'ema chiga sombo'jefa'su dos amorreo'su nasundeccuma patsu'choma'qque gi paña'fa. Hesbón canqque'su na'su, Sehón, toya'caen Basán ande'su na'su, Og, tsa Astarot canqqueni canjen'suma'qque patsu'fa qquen gi biane paña'fa.

Josué 9:10 ပူးပေါင်းရင်းမြစ်များ

Génesis 14:5

Faesu canqque'fa tsa Quedorlaomerja tisei'ccu fae'ngae in'jan'cho nasundeccui'ccu jipa faesu aindeccuma patsu'fa. Nane Astarot-karnaim andeni japa refaítandeccuma patsu'fa. Toya'caen Ham andeni japa zuzitandeccuma patsu'fa. Tsomba Save-quiriataim andeni japa emitandeccuma patsu'fa.

Números 20:14

Cadesni can'jemba Moisésja majan aindeccuma Edom ande'su na'sunga moe cuintsu japa qquen suye: “Que antian israendeccu tsu qquen quema su'fa: ‘Queta qui ñotsse atesu ingi ma'caen vanamba canse'choma.

Deuteronomio 2:30

Tsa'caen iñajansi tsu na'su Sehónjan se'pi ingi tise andengae pashañe. Nane Na'su que'i Chiga tsu tisema in'jaen cuintsu tsa'caen ñoa'me se'pisi que'ija tisema geraemba patsu'faye. (Nane tsa'caen tsu Na'su Chigaja tayo tson.)

Josué 2:10

Paña'fa gi ma'caen que'i Egipto'ye sombopa jayisi Chigaja Cu'a marma samboen cuintsu que'i iseye. Toya'caen Jordán na'en jonifani'su Sehón, Ogma'qque, tsa amorreo'su nasundeccuma patsupa que'i sefaen'choma pañamba gi ti'tsse dyo'fa.

Josué 2:9

—In'jan gi Na'su Chiga tsu va andema que'inga afe. Nane poiyi'cco va ande'su aindeccu gi que'ima dyojo'fa. Nane paye dyojopa gi ñoa'me dyopa ttun'dundu'je'fa.

Josué 9:11

Tsa'caen pañamba tsu ingi coenzandeccu, toya'caen poiyi'cco ingi andeni canjensundeccu'qque ingima qquen su'fa: ‘Anqque'suve ñoñamba japa israendeccuma cachuiccopa qquen su'faja: Ingija que'ima shondosundeccu gi. Tsa'cansi chigáne ingi'ccu fae'ngae injancco'faja.’

Josué 9:9

Tsonsi tsu su'fa: —Que'ima shondosundeccuja ñoa'me biani'su andeni can'jemba Na'su que'i Chigama pañamba gi ji'fa. Nane Na'su Chiga Egiptosundeccuma tson'choma pañamba