Josué 7:25 - Cofán: Chiga Tevaen'jen

²⁵ Tseni nepipa tsu Josuéja Acánma su: —Queja ingima da'ño. Tsa'cansi tsu Na'su Chigaja ja'ño a'ta quema'qque dañoña. Tsa'caen susi poi israendeccu patuma isupa ttova'ccoen fi'tti'fa Acánma. Nane pa'cco tise'bema'qque tsa'caen patui'ccu fi'ttipa pa'ccoma si'ngei'ccu oque cati'fa.

Josué 7:25 ပူးပေါင်းရင်းမြစ်များ

Génesis 34:30

Tsa'caen tson'fasi Jacobja Simeón, Levíma su: —Que'ija tsa'caen tsomba qui tayo ñama daño'fa. Ja'ño tsu va andeni canjensundeccu, tsa cananeondeccu, ferezeondeccu'qque ñama chi'ga'faya. Tsa'caen chi'gapa tisupanaccu bopa ñai'ccu iyiccoye ashaen'faya. Ñajan tsain'bitssi a'ive an'biambisi tsu ñama fi'ttipa poiyi'cco ñai'ccu canjensundeccuma fi'tti'faya.

Génesis 38:24

Tres ccovu pasasi Judánga jipa conda'fa: —Tamar, tsa que china, tsu faesu tsandiei'ccu ccuipa ja'ñojan surie dapa can'jen. Pañamba Judája fundopa su: —¡Tsa'o'ye somboemba tisema oque cati'faja!

Galacia'su 5:12

Ñoa'me gi in'jan que'ima noñangiansundeccuja cuintsu tisupama chhiyicatiqquia'caen que'i'ye tsangae joqquitssi'faye.

2 Tesalónica'su 1:6

Chigaja tansintsse tsu tsoña. Nane que'ima noñangiansundeccuma'qque vanaemba tsu tansintsse tsoña.

Hebreo'su 12:15

Tisupapora ñotsse coiracco'faya'cho cuintsu poiyi'cco Chiga que'ima fuite'je'choma ñotsse atesu'faye. Toya'caen injama'tse injama'choi'ccu faesuma se'pipa fae'ngae in'jambipa iyiccosa'ne. Tsa'caen ashaen'da tsain'bitssia a'ima qui daño'faya.

Josué 6:18

Tsa'ma tsa canqqueni jincho osha'choja Na'su Chigambesi tsama pporaenjama isupa tisuma dañosa'ne. Toya'caen majan tsa'caen tson'da qui Israel aindeccuma shacapave tsomba daño'faya.

Josué 7:15

Tsa'caen canjaemba majan a'i tsa ña pa'ccoma metsse catiya'chove manda'cho'suma an'biansi atte'ta tsu tisema si'ngei'ccu fi'ttiya'cho. Toya'caen tise dushundeccu pa'cco tise an'bian'choma'qque tsu tsa'caen oque catiya'cho. Ñoa'me tsu tsaja Na'su Chiga aindeccui'ccu injancco'fa'choma chi'gapa israendeccuma ansangiamba da'ño.