Josué 7:21 - Cofán: Chiga Tevaen'jen

²¹ Jericó canqquenga ca'nimba osha'choma attepa gi ñotssia Babilonia'su ondiccu'jema atte. Toya'caen gi atte doscientove bare'cho corifin'dima, fae kilove tssaiña'cho corima ñoña'choma'qque. Tsama attepa gi tsave in'jamba isupa ña carpani a'tupa an'bian. Nane carpa tsosiccufa'su ande changoni tsu ccui'fa, corifin'dija tsosiccufani.

Josué 7:21 ပူးပေါင်းရင်းမြစ်များ

Génesis 10:10

Tise manda'je'cho canqque tsu Babel, Erec, Acad toya'caen Calne. Poiyi'cco tsa canqque tsu Sinar andei'ccu pporotsse jincho.

Génesis 3:6

Pushesuja tsama pañamba quini'ccoma camba ñotssi tsu qquen in'jan. Toya'caen tsambe na ñotssia anqque'susi an'da ñotssiave toya'caen egave'qque atesuye qquen in'jamba nama pishopa an. Amba faesuma pishopa tise tsa'ndunga afe. Afesi tise'qque an.

Génesis 34:27

Tsonsi Jacob faesu dutssiyendeccu'qque tseni nepipa pa'chondeccu ai'voma panshamba pa'cco tsa canqqueni jincho'choma cca'namba somboen'fa. Tise'pa antianma egae tson'chone tsu ccane'qque tsa'caen tson'fa.

Génesis 6:2

Tsonsi Chigave in'jan'cho tsandiendeccuja in'jambindeqquiambe onquengendeccu me'detssisi in'jamba tise'pama pushe'fa majame in'jan'da.

2 Samuel 11:2

Fae cose Davidja ana'jen'cho'ye jangipa tise tsao'cco omba'su ppappacconi tsui jacamba atte faesu tsaoni pushesu onjon'jen'choma. Nane tsa pushesuja me'detssisi attepa

Éxodo 20:17

“Tisu injamáchoni faesu an'bian'chove tisumbema'caen in'janjama; ni tise tsa'o, ni tise pushe, ni tise'be sema'su tsandie, sema'su pushesu, ni tise'be sema'su vaura, ni tise boro, ni jongoesuveyi'qque tisumbe qquen in'janjama.”

Proverbios 23:31

Tsa cu'a vino tasanga veyaratsse chanjumba, mapán tumbitsse ttopanga ja'ni'qque tsama in'janjama.

Isaías 29:15

Va'cha tsu “A'tusija Na'su ñama atteya'bi” qquen in'jan'chondeccu. Nane asi'ttaemba tise'pa tsoña'choma ñoñamba “Chigaja tsama atesumbi” qquen tsu in'jan'fa. Toya'caen egae tsincomba “Chigaja tsama attembi” qquen tsu in'jan'fa.

Lucas 12:15

Tsomba Jesúsja poiyi'cconga su: —Injama'tse. Faesumbema in'jan'fajama. Osha'choma an'biambi'a'qque toya qui ñotsse canse'faya.

Lucas 12:2

Osha'cho ja'ño a'tu'chota jai'ngae canjaeña'cho. Ja'ño atesumbi'choa'qque jai'ngae atesuya'cho.

Efeso'su 5:3

Tsandie, pushesui'ccu casarambe'yi in'jangae fae'ngae canse'fajama. Osha'cho egae in'jan'choma in'jan'fajama. Cca'indeccu an'bian'choma in'jan'fajama. Nane que'ija tayo Chiga a'ive dapa tsa'caen tson'fajama cuintsu ni majañi'qque tsesune afambecañe.

Efeso'su 5:5

Ñoa'me vama ñotsse paña'faja: Maqui a'ta Chiga Quitsa, Jesucristo'qque pa'tssima ñoñamba Tise'pa aindeccunga ñotsse afesi majan a'ija isu'faya'bi. Majan tsandie, pushesui'ccu casarambe'yi in'jangae fae'ngae cansesundeccu'ta tsequi a'ta isu'faya'bi. In'jangae tsinconsundeccu'qque isu'faya'bi. Majan cca'indeccu an'bian'choma in'jansundeccu'qque isu'faya'bi. Tsendeccuja ñoña'cho chiga'ca'me iñajansundeqquia'can'fa tsu.

Colosa'su 3:5

Tsa'cansi pa'cco que'i ai'voni va ande'su in'jan'cho jincho'choma fi'tti'faja. Tsandie, pushesu casarambe'yi fae'ngae canseye in'jan'choma, in'jangae tsincon'choma, in'jangae in'jan'choma'qque, nane egae in'jan'choma, cca'i an'bian'chove in'jaña'choma'qque fi'tti'faja. Nane cca'i an'bian'chove in'jan'cho tsu ñoa'me ñoña'cho chiga'ca'ma iñajanqquia'cañi.

Hebreo'su 13:5

Panshaen corifin'dive in'jambe'yi canse'faja. Chiga Quitsaja su: “Ñajan que'ima catiya'bi gi. Tsangae gi que'ima an'biaña.” Tsa'caen Chiga su'choma in'jamba que'i tayo an'bian'choi'ccuyi ñotsse avujatsse canse'faja.

Santiago 1:15

Nane a'ija egae in'jan'da tsu egae tsincoña. Tsa'caen egae tsincomba in'jangae canse'ta ñoa'me tsu paya.

Josué 7:20

Tsonsi Acánjan su: —Ju, tansintsse su'cho tsu. Ñoa'me gi Na'su israe'su Chiganga egae tsincon. Qquen tsu ña tson'cho:

Josué 7:22

Tsa'caen condasesi Josué mandasi ttattasundeccu Acán carpani buttopa japa atte'fa. Nane tise suqquia'caen tseni a'tu, corifin'dimajan tsosiccufanga.

2 Pedro 2:15

Tansintsse su'choma catipa qque'fa. Tayopi'su Chiga Aya'fama afa'su Balaamcan'fa tsu. Balaamjan Beor dutssi'ye, egae tsincomba ganañe in'jan.