Josué 7:13 - Cofán: Chiga Tevaen'jen

¹³ Japa aindeccuma mandaja cuintsu tise'pa injama'choma ñoña'faye, tu'i ñanga ccutsuya'chove. Nane ña, Na'su, tsa israendeccumbe Chiga gi qquen su: ‘Tsa ña metsse que'i catiya'chove anttecho'suja toya tsu israendeccuni can'jen. Tsama que'i'ye joqquitssiya'mbi'ta qui que'i'ccu iyiccosundeccui'ccu cambajunaccu ccutsuye osha'fambi.’

Josué 7:13 ပူးပေါင်းရင်းမြစ်များ

Génesis 34:27

Tsonsi Jacob faesu dutssiyendeccu'qque tseni nepipa pa'chondeccu ai'voma panshamba pa'cco tsa canqqueni jincho'choma cca'namba somboen'fa. Tise'pa antianma egae tson'chone tsu ccane'qque tsa'caen tson'fa.

Mateo 7:5

Queja ño'a qquen attiamba ñoa'me afopoen'su qui. O'tie que tso'feni quini'cco eje'choma somboemba ñotsse atteya'cho. Tisu ñotsse atte'ta qui faenga'suma fuitepa tso'fe ccappi'choma somboeña.

Josué 3:5

Tsomba Josuéja aindeccuma su: “Tisupama ñoña'faja Chiganga ccutsuqquia'cantsse. Nane tu'i tsu Na'su Chigaja que'i'ccu ccaningae tsoña.”

Josué 6:18

Tsa'ma tsa canqqueni jincho osha'choja Na'su Chigambesi tsama pporaenjama isupa tisuma dañosa'ne. Toya'caen majan tsa'caen tson'da qui Israel aindeccuma shacapave tsomba daño'faya.

Josué 7:11

¡Israendeccu tsu egae tsincon'fa! Nane ña tise'pai'ccu injancco'fa'choma catipa egae tsincon'fa. Ñañi an'biaña'choma tsu isu'fa. Cca'na'fa. Afopoen'fa. Ñambema tsu tise'pa an'bian'chonga a'tu'fa.