Josué 6:25 - Cofán: Chiga Tevaen'jen

²⁵ Josuéja jo'su Rahab, tise antiandeccu, toya'caen pa'cco tise'beveyi ccushaen. Nane Josué moe'cho a'tutsse Jericóni jacansundeccuma tise fuitepa a'tupa ccushaen'chone ccushaen'fasi tsu ja'ño a'tapan Rahab omba'su dushundeccuja israendeccui'ccu fae'ngae canse'fa.

Josué 6:25 ပူးပေါင်းရင်းမြစ်များ

Mateo 1:5

Salmón tsu Booz quitsa. Booz mama tsu Rahab. Booz tsu Obed quitsa. Obed mama tsu Rut. Obedja Isaí quitsa tsu.

Tson'fa'cho 2:21

Tsonsi tsu majan Na'suma iñajan'chota ccusha'faya.

Santiago 2:25

Tsa'caeñi tsu tayopi'su Rahab'qque tsa Jericó canqque'su anañe tsa'oma afe'su. Israe'su mandasi andema cañe jacansundeccunga tsa'oma afepa ccushaeñe a'tupa ccani'su tsaiqui'ye moensi Chigaja “Rahabja ño'a tsu” qquen su.

Josué 2:1

Tsa'caen conda nanimba Josuéja Sitim canqqueni can'jemba a'tutsse moe dos a'i cuintsu a'tutsse japa atte'faye. Moe'jemba qquen su: “Japa andema camba Jericó canqquema'qque ñotsse can'faja.” Tsa'caen mandasi Jericóni japa tsa'oma afe'su Rahab tsaoni ca'nimba can'jen'fa.

Josué 2:4

Tsa'ma pushesuja tsa dos a'ima tayo a'tupa na'su manda'choma pañamba su: —Ju, tsa a'i ñani ji'fa. Tsa'ma atesumbi gi tise'pa mane ji'chove.

Josué 2:6

(Tsa'ma tsa'caen supa tayo tsu tsandiendeccuma tsao'cco omba'su ppappacconga ansundiamba a'tu tseni linome somboenqque'su shoshovima sanjan'jen'chombe tsosiccunga.)

Josué 4:9

Toya'caen Josuéja faesu doce patuve isupa tsa Chiga a'i'ccu injancco'fa'cho cafonma anga'su Chigama afasundeccu ccutsu'ttinga boñamba ccutsutsian. Ja'ño a'tapan tsu tse'tti ccutsu'fa.