Josué 6:17 - Cofán: Chiga Tevaen'jen

¹⁷ Nane tayo tsu Josuéja tise'panga qquen conda: “Pa'cco canqque, toya'caen osha'cho tsani jincho'cho'qque Na'su Chigambe tsu. Tsa'cansi tsu pa'ccoma me'tsse sefaeña'cho Tise'be qquen canjaeñe. Tsa'ma jo'su Rahab, tsa tsa'oma afe'su, toya'caen poiyi'cco tise tsaoni canjensundeccuveyi tsu ccushaeña'cho. Nane tise'yi tsu ingi moesi a'tutsse jacansundeccuma fuitepa ccushaen'cho.

Josué 6:17 ပူးပေါင်းရင်းမြစ်များ

Génesis 12:3

Majan quema in'jamba ñotsse afa'ninda gi tise'pama ñotsse tsoña. Tsa'ma majan quema afase'ninda gi tise'pama egae tsoña. Nane quei'ccu tsu poi ande'su aindeccuja Ña ñotssiama isu'faya.”

Mateo 25:40

Qquen iñajampañasi na'su tsu suya: “Ñoa'me gi su: Osha'cho jongoesuve qui va ñame in'jamba utu'ccoandeqquianga ñotsse tson'da qui ñanga'qque tson.”

1 Corinto'su 16:22

Majan a'i Na'su Jesúsma ñotsse in'jambi'ta cuintsu tise'paja tsangae catiyepa pa'faja. ¡Na'su Jesús tsu jiya!

1 Corinto'su 2:7

Tsa'ma ingija Chiga tayoe condambeyi in'jan'choma in'jamba conda'fa. Toya andema agattoembi'te Chigaja in'jan tise ingima ccushaensi tsangae canse'faye. Tsama gi conda'fa.

Galacia'su 3:10

Nane poiyi'cco majan manda'choma pañamba ccushaye qquen in'jan'chondeccu tsu ñoa'me tsangae qque'faya. Tayo tsu tevaen qquen su'choma: “Majan va manda'choma pañamba pa'ccoma tsombi'ta ñoa'me tsu tsangae qque'faya.”

Galacia'su 3:12

Nane manda'choma nanimba ccushaye, qquen in'jan'chota tsu Cristove in'jamba ccusha'cho'cambi. Chiga Tevaen'jen tsu tsane su: “Majan manda'choma pañamba pa'ccoma metsse nani'da tsu ccushaya.”

Hebreo'su 6:10

Nane Chiga Quitsaja egambi tsu. Aqque'paya'bi tsu que'i Tise've in'jamba cca'ima fuite'je'choma. Que'ija tayo Tise aindeccuma in'jamba fuitepa toya qui tsa'caen tson'jen'fa.

Santiago 2:25

Tsa'caeñi tsu tayopi'su Rahab'qque tsa Jericó canqque'su anañe tsa'oma afe'su. Israe'su mandasi andema cañe jacansundeccunga tsa'oma afepa ccushaeñe a'tupa ccani'su tsaiqui'ye moensi Chigaja “Rahabja ño'a tsu” qquen su.

Josué 2:1

Tsa'caen conda nanimba Josuéja Sitim canqqueni can'jemba a'tutsse moe dos a'i cuintsu a'tutsse japa atte'faye. Moe'jemba qquen su: “Japa andema camba Jericó canqquema'qque ñotsse can'faja.” Tsa'caen mandasi Jericóni japa tsa'oma afe'su Rahab tsaoni ca'nimba can'jen'fa.

Josué 2:22

A'tutsse sombopa ccotta'cconga japa tres a'tave a'tu'fa. Sundarondeccuja pa'cco tsaiqui'ye tta'tta'ma attembe'yi shandapa toequi Jericóni ji'fa.

Josué 7:1

Tsa'ma fae'cco Judá aindeccu'su, Acán qquen inisecho'choja, injama'cho shacapa Chigambe jincho qquen in'jamba isu. Nane Acán, tsa Carmi dutssi'ye tsu tsa'caen se'pi'choma isu. (Carmi tsu Zabdi dutssi'ye. Zabdi tsu Zara dutssi'ye. Poiyi'cco tsu Judá omba'su dutssiyendeccu.) Acán tsa'caen Na'su Chiga se'pi'choma isu'chosi Chigaja ñoa'me poiyi'cco israendeccuma iyicca'ye. Tsa'cansi tise'pa'qque tsambe shacai'ccuyi shacapave da'fa.

1 Samuel 15:3

Tsa'cansi japa amalecitandeccui'ccu iyiccopa nanitsse tise'pama fi'tti'faja. Nane pa'cco tise'pambema tsu tsangae catiya'cho. Tsandiendeccu, pushesundeccu, dushundeccu, aipanondeccuma'qque fitti'ttipa toya'caen tise'pa vaura, oveja, cameyo, boroma'qque tsu pa'tssima metsse fitti'tti sefaeña'cho.’