Josué 5:14 - Cofán: Chiga Tevaen'jen

¹⁴ A'ija su: —Ni que'i'su ni que'ima iyiccayesundeccu'sumbi gi. Tsa'ma Na'su Chigambe sundaro na'su gi ja'ño ji. Tsa'caen susi Josuéja andenga puntssamba tisema iñajampaña: —¿Jongoe qquen tsu Na'suja ña tisema shondo'sunga su?

Josué 5:14 ပူးပေါင်းရင်းမြစ်များ

Génesis 17:17

Tsonsi Abrahamjan ccase andenga puntssan ccuipa qquen asi'ttaemba feña: “¿Oshaya ti fae tsandie cien canqque'fave an'bian'cho du'shuve an'biañe? Toya'caen ¿oshaya ti Sara'qque noventa canqque'fave an'bian'cho du'shuve isuye'ta?”

Génesis 17:3

Tsama pañamba Abramjan andenga puntssan ccui. Puntssan ccui'ni'qque toya tsu Chigaja afapa su:

Salmos 110:1

Na'su Chigaja ña na'sunga su: “Ñai'ccu fae'ngae na'suve dapa va'ttinga dyaija ña tansinfanga ña quema iyiccayesundeccuma patsusi que tsu'tte tsosiccunga ccuiqquia'caen oshambipa quema paña'faya'ngae.”

Éxodo 4:10

Chiga tsa'caen canjaensi Moisésja su: —Chigáne Na'su, ñajan minguite'qque tsa'caen ñotsse afaye jinchombi. Ni ja'ño queja ña, quema shondo'sui'ccu afasi gi jongoe qquen suya'chove atesumbi.

Éxodo 4:13

Moisésja ccase afapa su: —Chigáne Na'su, faesu a'ima moejan.

Isaías 55:4

Nane tisema gi ccutsian cuintsu poi ande'su aindeccunga canjaemba poi canqque'su aindeccuma nafattiañe.

Isaías 6:8

Tsonsi gi paña Na'su Chiga aya'fa qquen su'choma: “¿Majama gi moeña? ¿Majan tsu ingine afa'suve dapa jaya?” Pañamba gi su: “Ña gi can'jen. Ñama moejan.”

Daniel 12:1

“Tse'faei'ccuyi tsu joccapitssia Chigama sefacconi'su shondo'su, Miguel, tsa que aindeccuma coirapa sepi'suja attiaña. Tsequi tsu ñoa'me dyo'tssiya. Nane minguite'qque tsu tsa'caen da'choja attiambi tseyi poi aindeccuve agattointe'qque. Nane tsequi a'ta nepisi tsu poiyi'cco que aindeccu, tayo tseni'su tevaen'jenga tisupa inisema tevaenge'chondeccuja, ccusha'faya.

Números 16:22

Tsa'ma Moisés Aarón'qque andenga puntssan ccuipa qquen su'fa: —Chiga Quitsa, que qui poi aindeccuma cansian'su. ¿Tsa'caen ti qui fae a'i egae tsincon'chone poi aindeccuma iyicca'yeya?

Números 16:45

—¡Joqquitssi'faja va aindeccu'ye! ¡Junde gi tise'pama fi'ttiye tson'jen! Tsama pañamba Moisés toya'caen Aarón andenga puntssan ccuipa

Números 22:31

Tsa'caen tson'jensi Na'su Chigaja tson cuintsu Balaam tsa sefacconi'su shondo'suma atteye, enttinge tsaiquini matichi'ccu ccutsu'choma. Tsama attepa Balaamjan camba'jui'ccu andenga puntssan ccui.

Mateo 22:44

Na'su Chigaja ña Na'sunga su: Ñai'ccu fae'ngae na'suve dapa va'ttinga dyaija ña tansinfanga. Ña quema iyiccayesundeccuma patsusi que tsu'tte tsosiccunga ccuiqquia'caen oshambipa quema paña'faya'gae.

Mateo 8:2

Na congomba paji'su tisenga catsepa ccaru dyai. Jesúsnga ccaru dyaipa iñajan: —Na'su, que in'jan'da qui ñama giya'tsse ccushaeñe osha.

Lucas 1:43

Ña na'su chan ñama can'su jisi gi ñoa'me avuja.

Lucas 20:42

Nane Davidja tise settapoen'cho tevaen'jenga qquen tsu su: Na'su Chigaja ña Na'sunga su: Ñai'ccu fae'ngae na'suve dapa va'ttinga dyaija ña tansinfanga

Lucas 5:12

Jesús fae canqqueni can'jen'ni na congomba paji'su tisenga ji. Nane pa'cco ai'vo tsa'caen dapa Jesúsma attepa andenga puntssan ccuipa iñajan: —Na'su, que in'jan'da qui ñama giya'tsse ccushaeñe osha.

Juan 20:28

Tsonsi Tomásja su: —¡Ña Na'su qui! ¡Ña Chiga qui!

Tson'fa'cho 9:6

Tsa'caen pañamba Sauloja ttun'dundu'jeve dyopa su: —Na'su, ¿ma'caen ña tsoñe qui in'jan? Tsonsi na'suja su: —Jangipa jaja canqqueni. Tseni que jasi tsu quenga condaseya ma'caen tsoña'chove.

Filipo'su 3:8

Cristo Jesús ña Na'suve in'jañe osha'chone ñoa'me'qque ti'tsse'tssia tsu. Cristove in'jamba gi osha'cho tisu tayoe ti'tsse'tsse tsincon'choma ja'ñojan chi'ga. Nane ñoa'me pa'tssi ña quinsepoen'choma'qque gi tayo cati. Tayo cati'cho tsu, qquen gi in'jan Cristoma ganaqquia'caen

Hebreo'su 2:10

Nane osha'cho jinchoja Chiga Quitsa in'jamba agattoensi jincho tsu. Tiseja in'jan poiyi'cco Tise dutssiyendeccuve da'chondeccu Tise ñotssiama isu'faye. Tsa'caen in'jamba Chigaja antte Tise moen'cho Na'suja vana'jemba tsangae ñotssia Ccushaen'suve daye.

Canjaen'cho 12:7

Tse'i sefacconi geraencco'fa. Chigama sefacconi'su shondo'su na'su, Miguel, tisema shondo'su sundarondeccui'ccu canjansima geraen'fa. Canjansi'qque tisema shondo'su sundarondeccui'ccu poini ccane'qque geraencco'fa.