Josué 23:7 - Cofán: Chiga Tevaen'jen

⁷ Quei'ccu toya can'jen'cho va ande'su israembindeqquiai'ccu fae'ngae tson'fajama. Tise'pa chigandeccuma pañamba iñajan'fajama. Nane tsesu chigandeccu iniseja afa'ma'sia tsu. Tsai'ccu que'i su'choja tansintsse su'cho qquen afa'fajama.

Josué 23:7 ပူးပေါင်းရင်းမြစ်များ

2 Reyes 17:12

Na'su Chiga “¡Que'ija tsa'caen tson'fajama!” qquen su'ni'qque toya tsu ñoña'cho chigandeccuma iñajan'jen'fa.

Salmos 16:4

Tsa'ma faesu ñoña'cho chigandeccuve iñajansundeccu tsu ti'tsse ñombi'ye'faya. Tise'pai'ccu fae'ngae anjampama afe'choma ccatsse afeya'mbi gi. Ni tise'pa chiga inisema'qque ccatsse afaya'bi gi ña aya'fai'ccu.

Éxodo 20:5

Tsesundeccunga puntssamba iñajanjama. Nane ñañi gi Na'su, que Chiga. Sepipa Chiga gi ñama chi'gapa egae tsincon'su injama'choma somboemba tise dushundeccu, tsambe du'shumbe dushundeccu injama'choma'qque somboeña tise'pa egae tsincon'chone.

Éxodo 23:33

ni tise'pama antte'fajama cuintsu que'i'ccu fae'ngae que'i andeni can'jeñe. Nane tsa'caen fae'ngae can'jen'fajama tise'pa que'ima in'jaensi tise'pa chigandeccuma in'jamba ñama egae tsinconsa'ne. Tsa'caen tson'da qui tisupama tsangae qqueña'faya.”

Oseas 2:17

Que'i aya'fai'ccu Baal nasundeccu qquen afa'je'choma gi itsaya. Itsasi ccatsse qui tsa inisema afa'faya'bi.

1 Corinto'su 15:33

Tsa'ma afopoeñembe'yi can'faja. “Egandeccui'ccu can'jensi ñotsse in'jan'choma tsu da'ñoña.”

Efeso'su 5:11

Majan a'ija sinttia'ni can'jemba osha'cho egae tsu tsincon'fa. Tise'pa'caen tsincombe'yi tise'pa tsincon'choma a'tatssianga canjaen'faja. Ñoa'me egae tsincon'cho tsu qquen canjaen'faja.

Deuteronomio 6:13

Na'su que'i Chigama ñotsse in'jamba tise'veyi shondo'faja. Que'i su'cho tansintssia qquen canjaeñe in'jamba tise inisei'ccuyi afa'faja.

Deuteronomio 6:14

Pporotsse canjen'su israembindeqquiambe chigandeccuma iñajan'fajama.

Josué 23:12

Nane in'jan gi que'i va su'choma in'jan'faye: Chigama catipa va quei'ccu toya can'jen'cho aindeccui'ccu fae'ngae tsomba, tise'pa'su pushesundeccuma pushe'fa'ninda tsu Na'su, que'i Chigaja, tsendeccuma manda mañaña'bi. Tsa'ma tsendeccui'ccu tsu que'ima vanae'jeña. Nane va'cho'vai'ccu avuma indiqquia'caen, quendecco'choi'ccu aña'choma indiqquia'caen, tsu tsendeqqui'ccu que'ima qqueñaña. Mappi'je'choi'ccu ma'ppiqquia'caen que'ima noñangiamba toya'caen nojan tso'fema iñaccaenqquia'caen que'ima dañoña cuintsu tsequi a'ta ni fae a'i que'i'suja va Na'su que'i Chiga que'inga afe'cho ñotssia andeni can'jembe cañe.

Josué 23:8

Nane que'i ja'ñopan tsonqquia'caen anttembe'yi Na'su que'i Chigama in'jan'faja.