Josué 23:12 - Cofán: Chiga Tevaen'jen

^12-13 Nane in'jan gi que'i va su'choma in'jan'faye: Chigama catipa va quei'ccu toya can'jen'cho aindeccui'ccu fae'ngae tsomba, tise'pa'su pushesundeccuma pushe'fa'ninda tsu Na'su, que'i Chigaja, tsendeccuma manda mañaña'bi. Tsa'ma tsendeccui'ccu tsu que'ima vanae'jeña. Nane va'cho'vai'ccu avuma indiqquia'caen, quendecco'choi'ccu aña'choma indiqquia'caen, tsu tsendeqqui'ccu que'ima qqueñaña. Mappi'je'choi'ccu ma'ppiqquia'caen que'ima noñangiamba toya'caen nojan tso'fema iñaccaenqquia'caen que'ima dañoña cuintsu tsequi a'ta ni fae a'i que'i'suja va Na'su que'i Chiga que'inga afe'cho ñotssia andeni can'jembe cañe.

Josué 23:12 ပူးပေါင်းရင်းမြစ်များ

Génesis 2:24

Tsa'cansi tsu ja'ño tsandieja tise yaya, tise mamama catipa tise pushei'ccu can'jen'faya. Nane tsa dos tsu fae a'ia'caeñi da'faya.

Génesis 34:3

Tsa'ma tsa'caen tsomba Siquem ñoa'me Dinama ñotsse in'jamba osha'choma tson cuintsu ccane'qque tise've in'jañe.

1 Reyes 11:2

Tsa'caen in'jamba tsu Na'su Chiga israendeccunga manda'choma cati. Nane Na'su Chigata tsu se'pi faesu ande'su pushesuma pusheye, tsa'caen tsomba injama'choi'ccu tise'pa chigandeccuma'qque in'jansa'ne. Tsa'ma Salomónjan faesu pushesundeccuma ñotsse in'jamba pu'she.

1 Reyes 11:4

Nane Salomón coenza ccashe'yeve dasi tise pushendeccu tise injama'choma qqueña'fa cuintsu faesu chigandeccuve in'jañe. Salomónjan tsa'caen tsomba Na'su Chigama tansintsse in'jambi tise yaya David'ye in'janqquia'caen.

Salmos 36:3

Tise aya'fai'ccu egae afapa afopoemba ñoa'me injama'cho shacasi ñotsse tsoñe oshambi.

Isaías 1:4

¡Va'cha qui, egae tsinconsundeccu! Tsain'bio shacave qui andu'choma'caen andu'fa. Que'i yayandeccu egae tsincon'fasi que'i'qque in'jangae tson'jen'fa. Na'su'ye qui joqquitssi'fa. Nane Israel joccapitssia Chiga'ye attufapa qui tisema cati'fa.

Mateo 12:45

Attepa japa tisema ti'tsse egandeqquiama siete cocoyama i'ngasi poiyi'cco tsu tsa a'inga ca'nimba can'jen'fa. Tsa'cansi tayoema bove ega'o tsu tsa a'ine. Nane ja'ño'su aindeccu'qque tsa'caen ega'ta tsa'caeñi tsu da'faya.

Juan 6:66

Tsa'caen susi majan Jesúsma shondosundeccuja tisema catipa ccase tisei'ccu jacan'fambi.

Romanos 12:9

Afopoembe'yi tisupapora ñotsse injancco'faja. Osha'cho egama chi'gapa osha'cho ñotssiama in'jan'faja.

Deuteronomio 6:15

Nane tsa'suma iñajan'ninda tsu Na'su que'i Chigaja, cca'i'su chigandeccuma chi'gapa, iyicca'yepa que'ima tsangae nepiaña.

Deuteronomio 7:3

Toya'caen tise'pa'suma casara'fajama. Que'i dutssiyendeccuma tise'pa onquengendeccunga antte'fajama ni que'i onquengendeccuma tise'pa dutssiyendeccunga antte'fajama.

Deuteronomio 7:4

Nane tsa'caen tson'ninda tsu tsendeccu que'i dushundeccuma qqueña'faya cuintsu Na'su Chigama catipa faesu chigandeccuma iñajan'faye. Tsa'caen tson'fa'ninda tsu Na'suja que'ima iyicca'yepa tse'faei'ccuyi nepiaña.

Josué 23:11

Tise tsa'caen tsonsi, injan'jeñi tisu injama'choma ñotsse ñoñamba Na'su que'i Chigama ñotsse in'jan'faja.

1 Juan 2:9

Majan a'tatssiani can'jen qquen supa, tise faenga'suma chi'ga'ta, toyayi tsu sinttia'ni can'jen.

Jueces 14:3

Pañamba tise yaya tise mama'qque su'fa: —¿Que antiandeccu'suta ti ñotssia pushesuta jimbi? ¿Israendeccu'su ñotssia pushesuta ti jimbi? ¿Jongoesie qui Chigave in'jambi'choa filisteondeccu'su pushesuma pusheye in'jan? Tsa'ma Sansónjan tise yayama su: —Tsa pushesu tsu ñoa'me ña in'jan'cho. Tisema gi tisu pusheve in'jan.