Jonás 1:9 - Cofán: Chiga Tevaen'jen

⁹ Qquen iñajampaña'fasi Jonásja conda: —Ña gi hebreo'su a'i. In'jan gi Na'su Chiga Quitsama; tsa tsu sefacconi can'jemba ande marve'qque agattoen'su.

Jonás 1:9 ပူးပေါင်းရင်းမြစ်များ

Génesis 1:10

Tsa'caen dasi Chigaja san'ama andeve inisian. Tsa'caen na'en fa'enga bo'choma'qque marve inisian. Inisiamba pa'ccoma camba ñotssisi attepa avujatssi. Avujatssipa

Génesis 14:13

Tsa'ma fae'cco tseni'su a'ija ccushapa sombopa Hebreo a'i Abramnga conda'su ji. Nane Abramjan toya tsa Amorreo a'i Mamrembe roble quini'ccoccuni can'jen. Mamre antiandeccu Escol, toya'caen Aner'qque Abramma fuitesundeccu tsu.

Génesis 24:7

Na'su Chiga tsu quema o'tie tisema sefacconi'su shondo'suma moeña. Nane Sefacconi'su Na'su Chigaja ñama somboen ña yaya tsa'o'ye, ña antian ande'ye'qque. Ñama somboemba tsu ñoa'me su va andema afeye ña dushundeccunga. Tsa Chiga tsu tisema sefacconi'su shondo'suma quema o'tie moeña cuintsu in'jaensi tseni'su pushesuma iye ña dutssi'ye pusheve.

Génesis 39:14

pushesuja tisu etti'su semasundeccuma ttu'sepa su: —Que can'faja, ña tsa'ndu va hebreo'su a'ima isi ja'ño ingima tsu noñangiañe ashaen. Nane ñaccuni ca'nimba ñai'ccu ccuiye in'jansi gi quian'me fundo.

2 Reyes 17:25

Tsa'ma tsesu aindeccu Na'su Chigama atesu'fambisi Na'suja ttesindeccuma moe. Moesi jipa majan aindeccuma fi'tti'fa.

2 Reyes 17:28

Tsonsi fae'cco Samaria'ye joqquitssi'cho Chigama afa'suma moesi japa Betelni can'jen. Tseni can'jemba aindeccuma atesian ma'caen Na'su Chigama iñajaña'chove.

Esdras 1:2

“Ña, Ciro, gi Persia'su na'su qquen su: Na'su, Sefacconi'su Chiga tsu ñama poi ande'su na'suve tsomba ñama manda tisema iñajan'jen'cho tsa'ove Judá ande'su Jerusalén canqqueni tsao'ñañe.

Nehemías 1:4

Tsama pañamba gi i'namba ñombi'yepa ambe'yi asettupa sefani canjen'su Chigama iñajamba qquen su:

Nehemías 2:4

—¿Ma'caen gi quenga tsoña? Tsa'caen susi gi injama'choi'ccu sefacconi'su Chigama iñajamba

Job 1:9

Tsa'ma Satanajan su: —¿Aqquia injanga ti tiseja quema ñotsse shondo'su? Me'in.

Éxodo 1:15

Toya'caen tsu egipto'su na'suja hebreo'su du'shuma isiansundeccu, Sifra toya'caen Fúanga, qquen afa:

Éxodo 2:13

Ccaqui a'ta ccase pasia'su ja. Tsa'caen japa dos hebreondeccu tisupanaccu iyicco'je'choma atte. Attepa faesuma ti'tsse noñangian'sunga catsepa iñajampaña: —¿Jongoesie qui tisu faenga'suma tssetsse'je?

Daniel 2:44

Tsa'caen tsendeccu da'je'ni tsu sefacconi'su Chigaja minguite pasa'masia na'suma moesi jipa poiyi'cco nasundeccuma metsse sefaemba tsangae tise'yi na'suve daya.

Tson'fa'cho 14:15

—Aindeccu, ¿jongoesie qui jova'caenjan tson'jen'fa? Ingija que'ia'caeñi a'i'fa gi. Ingita gi ji'fa ñotsse condase'choma condaseye. Nane osha'cho injanga iñajan'choma catipa ñoa'me canse'cho Chigave in'jan'faye gi condaseye ji'fa. Nane tsa canse'cho Chiga tsu sefacco, ande, marve agattoen'su. Toya'caen osha'cho sefacco, ande, marni jinqque'suve'qque tsu agattoen'su.

Tson'fa'cho 27:23

Ña gi Chiga Quitsama shondo'su. Tsaja ña na'su tsu. Nane ja'ño cose tsu Tisema sefani'su shondo'su ñanga catse ccutsupa

Filipo'su 3:5

Ña yayandeccuja ñama isupa ocho a'tangae ña ttonoma chhiyitevaen'fa. Israe'su a'i gi, Benjamíndeccu'su. Ñoa'me gi israendeccu'su Hebreo aya'fangae afa'je'chondeccu'su. Chiga manda'chove in'jamba gi fariseondeqquia'caeñi in'jan.

Canjaen'cho 11:13

Tse'faei'ccuyi ande quia'me oya. Oyasi tsa canqque'su tsa'o fae decimo enttingeccoyi tsu osui'fa. Ande oyasi tsu siete mil a'i pa'fa. Pambe ccusha'chondeccuja ñoa'me dyo'fa. Dyopa tsu Sefacconi'su Chiga Quitsama ñotsse afa'fa.

Canjaen'cho 15:4

Na'su, poiyi'cco tsu Quema ñotsse in'jamba dyoe'sui'ccu Quema ñotsse afa'faya. Nane Queyi qui ño'a. Aindeccuja poi andene jipa tsu Quema ñotsse afa'faya. Nane Que ñotsse tson'choma attepa tsu Quema ñotsse afa'faya.

Canjaen'cho 16:11

Nane tise'pa ccomenzufa panshaen iñesi sefacconi'su Chigama ti'tsse iyicca'yepa ti'tsse afase'fa. Tsa'ma tsa'caen iñetsse vana'je'an'qque toya tsu tise'pa egae tsincon'choma cati'fambi.