Job 9:19 - Cofán: Chiga Tevaen'jen

¹⁹ Majan ti'tsse quin'an qquen atesuye in'jan'ni'qque tiseja osha'choma ti'tsse quin'an. Majan ti'tsse ño'an qquen atesuye in'jan'da ¿majan tsu ño'amba tisema ttu'seye osha?

Job 9:19 ပူးပေါင်းရင်းမြစ်များ

1 Corinto'su 1:25

A'ija “Chiga injiengembitsse tsincon'cho tsu” qquen tsu su'fa. Tsa'ma Chiga “injiengembitsse tsincon'cho” a'i in'jamba tson'choma ñoa'me ti'tsse injama'pa tsu. Toya'caen Chigaja quin'su mechoqquia'cama toya tsu a'ima ti'tsse quiña.

Job 9:4

Chigaja ñoa'me osha'choma oshachopa osha'chove in'jan'cho. ¿Majan tsu tisema camba afapa patsu?

1 Corinto'su 10:22

¿Ma'caen gi Chigama iyicca'yiaña? ¿Ingita ti gi Chigama ti'tsse'tssia, Tisema patsuye?

Mateo 6:13

Ingi egae tsinconsa'ne ottuni ttupa coiraja. Tsomba osha'cho ega'ye ingima ccushaenjan. Queyi qui Na'supa tsa'caen tsoñe osha. Queyi qui osha'choma oshacho. Queyi qui tsangae ti'tsse joccapitssia Na'su. Tsangaeyi.