Job 6:9 - Cofán: Chiga Tevaen'jen

⁹ Isha tsu Chigaja ñama ti'tsse cansiañe se'pipa osefa'pave ñama ccuchapa nepian.

Job 6:9 ပူးပေါင်းရင်းမြစ်များ

1 Reyes 19:4

Tsama catipa ti'tsse joccani a'i menia ja. Fae a'ta pa'cco japa quimbipa dyai fundui'si quini'jin tsosiccuni. Ñombi'yepa paye in'jamba Na'sunga su: “Nanitssi tsu, Na'su. ¡Antteja cuintsu ña paye! Nane ñanda gi ña tayopisundeccuma ti'tsse ñotssimbi.”

Job 19:21

Ñama mende'ye'faja. Que'i qui ña amigondeccu. Chiga tise tivei'ccu ñama dañosi ñama mende'ye'faja.

Job 6:8

¡Isha tsu Chigaja, ña iñajan'choma pañamba ña in'jan'chove tsoña!

Job 9:21

Ña egae tsombichoa'ja ¿jongoesune tsu bare? Nane tisuma gi chi'ga.

Salmos 32:4

A'ta, cose'qque qui que tivei'ccu ñama pisachoqquia'caen ñama quimbian. Nane te'ta coe'jenga pandiqquia'caen gi quimbi.

Jonás 4:3

Na'su tsa'cansi gi quema iñajan junde ñama fi'ttija. Canse'choma bove ñotssi tsu junde ña paye.

Jonás 4:8

Toya'caen coejechiga sombosi Chigaja in'jan cuintsu chiga sombo'jene ju'rutssia fingian jiye. Tsonsi coe'je depa tumbianccuve me'i'onsi tansintsse tise tsovenga desi Jonásja sian'me papa ñoa'me paye in'jan. Tsomba tsu su: —Canse'choma bove ñotssi tsu junde ña paye.

Canjaen'cho 9:6

A'ija tsa'caen vana'jemba paye in'ja'an'qque pa'faya'bi. Nane paye ñombi'ye'a'qque ma'caen paya'chove atesu'faya'bi.