Job 38:7 - Cofán: Chiga Tevaen'jen

⁷ Nane tsequi tsu poi ataje'cho'su o'feja fae'ngae settapoensi poi Chigama sefacconi'su shondosundeccu fae'ngae avujatsse fundo'je'fa.

Job 38:7 ပူးပေါင်းရင်းမြစ်များ

Génesis 1:16

Nane Chigaja dos rande chanjunqque'suve agattoemba ti'tsse randemajan coe'jeve ancaen cuintsu a'tave attiañe. Bove'ccoa'ma tsu ancaen cuintsu coseve attiañe. Toya'caen o'feve'qque agattoemba ancan'caen.

Job 1:6

Maqui a'ta poiyi'cco Chigama sefacconi'su shondosundeccu Na'su Chiganga catsepa ccutsusi Satana'qque fae'ngae tise'pai'ccu jipa ccutsu.

Job 2:1

Ccase maqui a'ta poiyi'cco Chigama sefacconi'su shondosundeccu Na'su Chiganga catsepa ccutsuya'cho nepisi Satana'qque fae'ngae tise'pai'ccu jipa ccutsu.

Salmos 104:4

Fingianjan quian'me fingiamba que conda'choma anga'je. Si'nge'qque quema shondosundeccu tsu.

Canjaen'cho 2:28

Toya'caen patsusundeccu ñai'ccu mandasi gi tise'panga ataje'cho o'fema afeya.

Canjaen'cho 22:16

—Ña, Jesús gi ñama sefacconi'su shondo'suma moen va canjaen'choma quenga canjaeñe. Quema canjaen cuintsu queja poiyi'cco ñame in'jamba bo'fa'chondeccunga condaye. Ñajan agattoen'supa gi tayopi'su Davidma otien'su. Toya'caen gi David omba'su dutssi'ye. A'tatssia've chanjumba ataje'cho gi.

Canjaen'cho 5:11

Tsomba ccase camba gi tsain'bio Chigama sefacconi'su shondosundeccuma paña. Nane injantssi, agattoye osha'bitsse bopa tsu na'su dyaipa'choma, canse'pa jinchondeccuma, coenzandeccuma'qque shoquendi'e ccutsu'fa.