Job 2:11 - Cofán: Chiga Tevaen'jen

¹¹ Jobja tres amigondeccuve an'bian. Temán ande'su Elifaz, Súa ande'su Bildad, toya'caen Naamat ande'su Zofar. Tsendeccuja pa'cco Job ma'caen vana'jen'choma pañamba tisema can'su jiye asi'ttaen'fa. Asi'ttaen nanimba ji'fa aya'fai'ccu fuitepa fae'ngae can dyaiye.

Job 2:11 ပူးပေါင်းရင်းမြစ်များ

Génesis 25:2

Tsa'caen pushepa tsu ti'tsse dushundeccuve atapa. Nane tsendeccumbe inise tsu Zimram, Jocsán, Medán, Madián, Isbac toya'caen Súa.

Génesis 36:11

Elifaz dushundeccu tsu Temán, Omar, Zefo, Gatam toya'caen Cenaz.

Génesis 36:15

Esaú omba'su dutssiyendeccumbe nasundeccu tsu qquen: Esaú dutssi'ye coenza Elifaz dutssiyendeccumbe nasundeccu tsu Temán, Omar, Zefo, Cenaz,

Génesis 36:34

Jobab pasi Temán ande'su Husam na'suve da.

Génesis 37:35

Inambani cansesi tise dutssiyendeccu onquengendeccu'qque tisema ziyaemba vuiquiañe in'jan'fa. Tsa'ma tiseja tsa'caen vuiquian'faya'chove in'jambipa tise dutssi'yene ina'jemba qquen su: “Papa pa'chondeccu can'jeni japa tisei'ccu cachuiccoya'ngae gi qquen ñombi'yepa inambani canseya.”

Job 11:1

Tsonsi faesu Job amigo, Zofarja, qquen su:

Job 13:4

Que'ija afopoen'choi'ccu tansintsse su'choma fentendian'jen. Ñoa'me qui se'jeye oshambi'choa seje'su.

Job 19:21

Ñama mende'ye'faja. Que'i qui ña amigondeccu. Chiga tise tivei'ccu ñama dañosi ñama mende'ye'faja.

Job 4:1

Tsonsi fa'e Job amigo, Elifazja su:

Job 42:11

Chiga tisenga tsa'caen ñotsse afesi poiyi'cco tise quinshingendeccu, que'ttendeccu, tise faengasundeccu'qque tisema can'su ji'fa. Poiyi'cco tise tayopi in'jan'chondeccu tsa'caen ji'fasi tise tsaoni fiestaen'fa. Poiyi'cco tsu Jobma ñotsse fuiteye condasepa tisema Na'su vanaen'chone tisema mende'yepa afa'fa. Toya'caen poiyi'cco tsu tisenga majan corifin'di toya'caen cori sotijama afe'fa.

Job 42:7

Na'su Chigaja tsa'caen Jobnga condasepa Elifazma'qque su: “Que, que dos amigondeccu'qque ñane tansintsse conda'fambisi gi que'ima iyicca'ye. Tsa'ma Jobja ñane tansintsse in'jan.

Job 42:9

Na'su tsa'caen susi, Elifaz, Bildad, toya'caen Zofar japa Na'su mandaqquia'caen tson'fasi Na'suja Job tise'pane iñajan'choma paña.

Job 8:1

Tsonsi faesu amigo, Bildadja, qquen su:

Juan 11:19

Tsain'bitssia israendeccu Marta, Maríama can'su ji'je'fa, tise quinshi pa'chone fae'ngae ñombi'yepa fuiteye.

Romanos 12:15

Cca'indeccu avujatssi'fa'ninda fae'ngae avujatssi'faja. Tsa'ma cca'indeccu ñombi'yepa ina'jen'fa'ninda tise'pama mende'yepa fae'ngae i'na'faja.

1 Corinto'su 12:26

Tsa'cansi fae jincho'cho vana'jen'ninda poiyi'cco tsu tisei'ccu fae'ngae vana'jen'fa. Toya'caen fae'cco ti'tsse'tssia've da'ninda poiyi'cco tsu tisei'ccu fae'ngae avujatssi'fa.

Hebreo'su 13:3

Majan Cristove in'jan'chondeccuja tsa'caen in'jamba picco'je'cho ettinga piccoyepa vana'jen'fa. Piccoyepa vana'jen'chondeccuma aqque'pambe'yi tise'pai'ccu fae'ngae piccoyeqquia'caen tise'pama mende'ye'faja. Faesundeccuja Cristove in'jansi nasundeccu ma'ppisi tsu vana'jen'fa. Que'i'qque vanaqque'supa tise'pama mende'yepa injama'choni fae'ngae vana'jen'faja.