Job 1:8 - Cofán: Chiga Tevaen'jen

⁸ Tsonsi Na'suja tisema su: —¿Attembi ti qui ñama shondo'su Jobma? Faesu tisia'can'me me'i'on tsu. Nane tiseja ñama in'jamba ñama shondo'supa egae tsincombe'yi ñotsse canse. Ni faesuma'qque egae tsincombi. Nane faesu a'ija tsa'caen canse'fambi.

Job 1:8 ပူးပေါင်းရင်းမြစ်များ

2 Reyes 23:25

Me'i'on tsu faesu na'su Josías'can Na'su Chigave in'jamba paña'su. Nane tisema o'tie ni tisema omboe tsu majan na'su tisia'cambi. Pa'cco injama'choi'ccu, pa'cco in'jan'choi'ccu, ma'caen osha'ta tsu Moisés tevaen'cho manda'choma pañamba canse.

Job 1:1

Uz andeni tsu fae a'i, Job, qquen inisecho'choja can'jen. Tsa a'ija egae tsincombe'yi ñotsse canse. Nane dyoe'sui'ccuyi tsu ñotsse Chigave in'jan. Toya'caen faesuma egae tsincoñe in'jambi.

Job 12:4

Egae tsincombi gi ni shacave an'biambi. Tayoe ñajan Chigama iñajansi tiseja ñama paña. Tsa'ma ja'ño ña amigondeccu'qque ñama afasepa feña'fa.

Job 2:1

Ccase maqui a'ta poiyi'cco Chigama sefacconi'su shondosundeccu Na'su Chiganga catsepa ccutsuya'cho nepisi Satana'qque fae'ngae tise'pai'ccu jipa ccutsu.

Job 2:3

Tsonsi Na'suja tisema su: —¿Attembi ti qui ñama shondo'su Jobma? Faesu tisia'can'me me'i'on tsu. Nane tiseja ñama in'jamba ñama shondo'supa egae tsincombe'yi ñotsse canse. Ni faesuma'qque egae tsincombi. Nane faesu a'ija tsa'caen canse'fambi. Toya'caen que ñama iñajamba pa'cco tise an'bian'cho, tise du'shuma injanga itsa'ni'qque toya tsu tiseja egae tsincombi.

Salmos 34:14

Tisuma ega'ye joqquitssiamba ñotsse tsonjan. Opatsse canse'ya'chove tta'ttapa tsa'caen canseja.

Salmos 36:1

Egae tsincon'cho egae tsincon'sumbe injama'cho tsosipie afasi tsaja ni asi'ttaembi Chigama pañañe.

Salmos 89:20

¡Attepa gi ttu'se ñama shondo'su Davidma! Ttu'sepa gi ña ñotssia aseitei'ccu tise tsovenga fiñamba na'suve tson.

Isaías 1:16

¡Tisuma cashi'faja! ¡Que'i egae tsincon'choma ccucha'faja! ¡Nane que'i egae tsincon'choma cati'faja ña attesa'ne! ¡Egae tson'jen'choma antte'faja!

Isaías 42:1

“Va'tti tsu ñama shondo'su. Ñajan tisema ñambeve attufaemba angacamba quiñaen. Nane tisei'ccu gi avujatssi. Ña qquendya'pai'ccu tisema in'jaensi tsu poi ande'su aindeccuma ñotsse mandaya.

Números 12:3

Ñoa'metsseta tsu Moisésja poi andesundeccuma bove'cco qquen injancho.

Juan 1:47

Natanael catsesi Jesúsja tisema attepa su: —Que canjan: Vaja ñotssia israe'su. Ñoa'me afopoen'masia tsu.

Josué 1:2

“Ñama shondo'su Moisésja tayo pa. Tsa'cansi ja'ñojan que qui poiyi'cco va israendeccui'ccu ñoñamba Jordán na'ema isepa ña que'inga afeya'cho andenga ca'niña'cho.

Josué 1:7

Dyombi'tsse quinse'tsse ccutsuja. Ñotsse in'janjan pa'cco ña Moisésnga su'cho manda'choma pañamba tsoñe. Ni ma'ttiveyi'qque aqque'pambitsse tansintsse tsonjan ñotsse naningeye.