Job 1:5 - Cofán: Chiga Tevaen'jen

⁵ Fiestaen'choma nanisi Jobja tise dushundeccuma ttu'sepa tise'pane Chigama iñajan. Sinte'yi jangipa ovejama oque oraemba Chigama iñajan poiyi'cco tise'pa egae tsincon'chone. Nane Jobja in'jamba'qque tise dushundeccu Chigama afase'fasa'ne tsa'caen tson.

Job 1:5 ပူးပေါင်းရင်းမြစ်များ

Génesis 22:3

Ccaqui a'ta sinte'yi Abrahamjan jangipa tise boronga ñoñamba Chiga tisema conda'cho andeni ja. Tisei'ccu tsu dos tise'be semasundeccu, toya'caen tise dutssi'ye Isaac'qque ja'fa. Si'tsima'qque anga'fa Chiganga afe'choma oqueye.

Génesis 6:5

Poi ande'su aindeccu egae tsincomba canse'fasi Na'su Chigaja attepa in'jan. Nane aindeccu poi a'ta injama'choni egaveyi asi'ttaemba in'jansi

Génesis 8:20

Tsonsi Noéjan Na'su Chiganga afeye oque'je'chove ccutsiamba osha'cho anqque'su vaura, oveja'can'ma, osha'cho anqque'su chhiririama'qque isupa oquepa Na'su Chiganga afe.

1 Reyes 18:31

doce patuve isupa. Nane tayopi'su Jacob'ye Chiga tisema Israelve inisiainte doce dutssiyendeccuve an'bian. Tsendeccu'ye tsu israe'su doce aindeccuja sombo'fa. Tise'pa'ye tsu Elíasja tsa'caen doce patuve isupa

Job 1:11

Tsa'ma tise'bema itsaye'ta tsu quema afaseya.

Job 1:4

Job dutssiyendeccu tsu fiestaeñe atesu'fa poi tisupa naccu'su tsa'onga. Nane cca'tti cca'tti'su tise'pa tsa'onga fiestaen'jemba tise'pa tres antian pushesundeccuma'qque ttu'se'fa.

Job 2:9

Tsonsi tise pusheja su: —¿Toya ti qui ñotsse tson'su qquen in'jan? ¡Chigama afasepa paja!

Job 42:8

Tsa'camba siete vaura quitsaye, siete oveja quitsayema'qque angapa Jobma can'su ja'faja. Tseni japa ñanga tsa vaura, ovejama'qque oque oraen'fasi tsu Jobja que'ine ñama iñajaña. Ñajan tise iñajan'choma pañamba que'i egae tsinconsi vanaeña'choma joqquitssiamba aqque'paya. Nane que'i ñama shondo'su Job ñane ñotsse tansintsse afaqquia'caen afambi'choa shacama gi aqque'paya.”

Job 8:4

Ñoa'me que dutssiyendeccu Chiganga egae tsinconsi tsu Tiseja antte cuintsu tsa'caen ñoa'me vana'faye.

Salmos 5:3

Nane poi a'ta sinte jangipa quema iñajansi qui ña su'choma paña. Iñajamba gi que pañamba tsoña'chove ronda'je.

Éxodo 19:10

Na'su Chigaja su: —Japa aindeccuma ja'ño tu'i'qque ñoñajan cuintsu ñame injan'jen'faye. Nane sarupama'qque tsu ma'ppamba

Éxodo 24:5

Omboe Moisésja israe'su tsandiendeccuma manda cuintsu vaura quitsayema fi'ttipa Na'su Chiganga oque oraen'faye; toya'caen Chigama ñoquiaña'chove'qque afe'faye.

Lucas 1:75

Tisema shondocamba gi ño'ame dapa tsangae egae tsincombe'yi tisei'ccu can'jen'faya.

Lucas 18:7

Nane tiseja ega'ma tsandupajen'choma pañamba fuite'ninda tsu Chiga'qque tisema iñajansundeccuma pañamba ccushaeña. A'ta toya'caen cose'qque Chigave in'jamba iñajan'ninda ¿Chigata ti tise'pama se'piya?

Juan 11:55

Israendeccu Chiga panshaen'cho injienge'cho fiesta pan napiji. Tsa'ma fiesta toya napimbi'te tsain'bio a'i tise'pa canqque'ye sombopa Jerusaléni jaja'fa asettupa onjoñe.

Tson'fa'cho 21:26

Tsomba Pablo tsa cuatro a'ima angapa fae'ngae asettupa onjon'fa. Onjon nanimba Chiga ettini japa conda'fa siete a'ta pasasi tise'pa Chiganga afe'choma afeye.

Tson'fa'cho 8:22

Que egae tsincon'choma antteja. Na'su Chigama iñajanjan atesuye que injama'cho egae in'jan'choma tsu joqquitssian'me'se.

1 Corinto'su 4:5

Tsa'cansi toya injama'choma somboeña'cho a'ta napimbi'te tisu injama'choni cca'i in'jan'choma asi'ttaen'fajama. Tsa'ma Na'su Jesús jiya'ngae ronda'je'faja. Tise jipa tsu osha'cho sinttiani jincho'choma attiaña. Ñoa'me a'i injama'cho tsosipie in'jan'choma'qque tsu a'tatsse canjaeña. Tsequi a'ta tsu poiyi'cco a'i ma'caen injama'chone in'jan'da tsa'caen Chigane pañamba isu'faya.

2 Corinto'su 11:2

Nane Chiga ñama in'jaensi gi que'ima ñoa'me in'jan. Ñoa'me in'jamba gi cca'indeccu que'ima ccaningae atesiañe se'pi. Yaya tise onque'nge ño'ama tsa'ndunga afeqquia'caen gi ñajan que'ima Cristonga afeye in'jan cuintsu que'ija Tise'beveyi da'faye. Nane ño'a pushesu tisu tsa'ndui'ccuyi canseqquia'caen gi in'jan que'ija Cristombeveyi da'faye.

Efeso'su 6:18

Tsa'caen Chiga Qquendya'pa que'ima in'jaen'nijan ánttembe'yi Chigama iñajan'faja. Ñotsse in'jamba quia'me iñajan'faja. Ñoquimbimbe'yi ñotsse injan'jemba poi Cristove in'jan'chondeccune Chigama iñajan'faja.

1 Samuel 16:5

Tsonsi Samuelja su: —Avujatsse gi ji. Na'su Chiganga afeye fi'tti'choma afeye gi ji. Que'i poiyi'cco qui tisupama Chiga in'janqquia'caen ñoñaña'cho. Ñoñamba ñai'ccu ji'faja Chiganga afe'jeni. Toya'caen tsu Samuelja Isaí tise dutssiyendeccuma'qque ttu'sepa ñoña cuintsu Chiganga tise afe'jeni ji'faye.