Job 1:3 - Cofán: Chiga Tevaen'jen

³ Toya'caen siete mil ovejambe na'su. Nane tres mil cameyo, mil qquitssa'je'cho vaura, quiniento boro, toya'caen tsain'bio semasundeccuve tsu an'bian. Nane pa'cco chiga sombo'jefa'su aindeccuma ti'tsse rico tsu.

Job 1:3 ပူးပေါင်းရင်းမြစ်များ

Génesis 12:16

I'fasi na'su faraónjan Saraima ñotsse in'jamba Abramnga ñotsse tson. Nane oveja, vaura, sema'su tsandiendeccu, sema'su pushesundeccu, boro, toya'caen cameyo tsain'bitsse afe Abramnga.

Génesis 12:5

Nane tsa'caen japa Abramjan tise pushe Saraima, toya'caen tise quinshimbe du'shu Lotma'qque anga. Toya'caen pa'cco tise'pa Haráni can'jemba isu'cho andu'choma, tseni an'bian'cho semasundeccuma'qque angapa Canaán andeni jaye ashaen'fa. Canaánni nepipa

Génesis 13:6

Tsa'cansi tsu Abram, Loti'ccu can'jen'ttija ñoa'me on'ba'o. Nane shoshovi shacasi tsain'bio vaurama tseni fae'ngae o'fiañe oshambi. Tsa'camba ti'tsse tsa'caen fae'ngae can'jeñe osha'fambi.

Génesis 24:35

Na'su Chiga tsu ña na'suma ñotsse in'jamba ricove tson. Nane osha'choma tsu tisenga afe: ovejandeccu, vaurandeccu, cori, totoacori, sema'su tsandiendeccu, sema'su pushesundeccu, cameyondeccu, toya'caen borondeccuma'qque.

Génesis 25:6

Tsa'ma Abraham faesuma pushepa du'sian'chondeccuja aqquia afe'choma tsu isu'fa. Nane Abraham toya cansuite tise faesu dushundeccuma Isaac'ye joqquitssiamba chiga sombo'jefanga moe cuintsu tseni canse'faye.

Génesis 29:1

Jacobja tise jayi'cho tsaiqui'ye japa chiga sombo'jeni'su andeni nepi.

Génesis 32:14

dosciento chivo pushe, veinte chivo quitsaye, dosciento oveja pushe, veinte oveja quitsaye,

Génesis 34:23

Tsa'caen tson'ninda tsu pa'cco tise'pa an'bian'cho tise'pa aiña'cho'qque ingimbeve'qque daya. Tsa'cansi jinge tise'pa in'janqquia'caen tson'faye cuintsu ingi'ccu canse'faye.

2 Samuel 12:2

Nane ricoja tsain'bitssi vaura toya'caen ovejama an'bian.

Job 1:10

Tsa'ma que tisema fuitesi majañi'qque tisema dañoñe oshambi; ni tise antiandeccuma, ni tise an'bian'choma. Nane queja tisema ñotsse fuitesi pa'cco osha'cho tsu ñotsse naniñe. Tsa'cansi tiseja osha'choma tsain'bitsse atapoemba poiyi'cco tsa ande'su a'ima ti'tsse rico.

Job 1:4

Job dutssiyendeccu tsu fiestaeñe atesu'fa poi tisupa naccu'su tsa'onga. Nane cca'tti cca'tti'su tise'pa tsa'onga fiestaen'jemba tise'pa tres antian pushesundeccuma'qque ttu'se'fa.

Job 42:10

Job tsa'caen tise amigondeccune iñajansi Chigaja Jobnga ñotsse tson. Nane osha'cho tise tayoe an'bianqquia'caen ccase afepa ti'tsse tsa'cantsseyi ccase afe.

Job 42:12

Nane osefa'poe tsu Chigaja Jobnga tayoema ti'tsse afe. Osefa'poe tsu catorce mil oveja, seis mil cameyo, dos mil qquitssa'je'cho vaura, toya'caen mil boroma'qque an'bian.

Números 23:7

Tsa'caen attepa Balaamjan va su'choma conda: “Chiga sombo'jeni'su ccotta'cco Aramne gi ji moabita'su na'su Balac ttu'sesi. ‘Jipa israendeccuma qqueñañe afaja. Jacob aindeccuma egae in'janjan’ qquen tsu su.

Jueces 6:3

Israendeccu tisupa anqque'suve jon'fani'qque junde tsu madiandeccu amalecitandeccui'ccu toya'caen faesu chiga sombo'jefa'su aindeccu'qque jipa

Jueces 6:5

Tsomba tise'pa aiña'choi'ccu jipa carpama ccutsutsian'fa pa'cco andema pi'cco'tsse. Nane tsendeccu toya'caen tise'pa cameyo'qque agattoye oshambi'tssi. Pa'cco andema sefaemba dañoñe ji'fa.

Jueces 7:12

Nane madiandeccu, amalecitandeccu toya'caen faesu chiga sombo'jefa'su aindeccuja jongoesu a'ju shequeqquia'caen tsu tsa sinjunccuni on'batsse can'jen'fa. Tise'pa cameyo'qque tsain'bitssipa mar otafa'su sisipama agattoye oshambi'tssiqquia'ca'on.